Түркийәдә ТАНАП-ын Авропа илә бирләшәҹәк һиссәсинин ачылышы олуб

АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Мәрасимдә Азәрбайҹан Президенти Илһам Әлийев, Түркийә Президенти Рәҹәб Таййиб Әрдоған, Ҝүрҹүстанын Баш Назири Ҝеорҝи Гахарийа вә диҝәр рәсми шәхсләр иштиракы едибләр.

АПА-нын мәлуматына ҝөрә, Азәрбайҹан Республикасынын Президенти Илһам Әлийев мәрасимдә ТАНАП-ын иҹрасында әсас техники вә малиййә йүкүнүн Азәрбайҹанын вә Түркийәнин үзәринә дүшдүйүнү билдириб.

Бакы-Тбилиси-Ҹейһан, Бакы-Тбилиси-Әрзурум нефт-газ кәмәрләринин фәалиййәтә башламасынын ТАНАП үчүн йол ачдығыны дейән Президент Илһам Әлийев 7 өлкәни бирләшдирән Ҹәнуб Газ Дәһлизинин әһәмиййәтиндән данышды, онун өлкәләри бирләшдирдийини вурғулады.

Түркийә Республикасынын Президенти Рәҹәб Таййиб Әрдоған ТАП хәттинә бирләшмәсинин тарихи әһәмиййәтиндән данышыб: “ТАНАП Ҹәнуб Газ дәһлизинин бир парчасыдыр. Ҹәнуб Газ дәһлизи чох бөйүк инфраструктур лайиһәсидир. Дәйәри 38 милйард доллардыр вә дөрд лайиһәдән ибарәтдир. Онлардан үчү - “Шаһдәниз”, Ҹәнуби Гафгаз бору хәтти вә бу ҝүн ТАНАП там истифадәйә верилир.

Дөрдүнҹү лайиһә - ТАП-ын иҹрасы артыг 90 фаизи кечиб”. Әрдоҝан дейиб: “Авропа илә Асийаны ТАНАП лайиһәси васитәсилә бир-биринә бағлайырыг. Түркийә, Азәрбайҹан вә Ҝүрҹүстанын бирҝә сәйләри нәтиҹәсиндә 7 ил йарымлыг узун вә мәшәггәтли бир просеси уғурла баша чатдырырыг”.

Түркийәнин 20 вилайәт, 67 район вә 600 кәндиндән кечән бу хәтт артыг Авропанын сәрһәдинә чатыб. ТАНАП-ла Азәрбайҹанын 16 милйард куб метр газы Түркийәйә чатдырылыб, бунун 6 милйард куб метриндән Түркийә, 10 милйард куб метриндән исә Авропа йарарланаҹаг.

Түркийә президенти дейиб ки,гаршыдакы илләрдә ТАНАП-ын нәгл тутумуну 24 милйард кубметрә, сонра исә 31 милйард кубметрә чатдырылаҹаг.

ТАНАП хәттинин Азәрбайҹан, Ҝүрҹүстан вә Түркийәдән кечәрәк Авропайа нәгли үчүн ТАП (Транс Адриатик Бору Хәттиндә) хәттинә бағланаҹағыны дейән Әрдоған 2020-ҹи илә дә ТАП лайиһәсинин баша чатаҹағыны билдириб. О, Јунаныстан, Албанийа, Болгарыстан, Македонийа, Боснийа-Һерсеговина кими өлкәләрин дә бу лайиһәдән йарарланаҹағыны дейиб.

.........
340