АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Сеййед Әббас Әрагчи вурғулайыб ки, нүвә анлашмасынын һазыркы шәраитә дүшмәсиндә Иранын тәгсири олмайыбдыр. О, дейиб: Теһран Американын нүвә анлашмасындан ганунсуз шәкилдә чыхмасындан сонра авропалылара бир ил фүрсәт верди ки, бу бейнәлхалг анлашма гаршысындакы өһдәликләринә әмәл етсинләр, амма онлар бу истигамәтдә һеч бир аддым атмадылар.
Иранын нүвә анлашмасындан габаг вә сонракы дөврләрдәки агиланә рәфтары вә хошмәрамлылыг йанашы олан фәалиййәтинә нәзәр салан Әрагчи Теһранын мәсулиййәтли йанашмасы вә Иранын диалог вә анлашма илә бағлы инамына ишарә едиб. Гейд едиб ки, һәр бир бейнәлхалг разылашманын давам етмәси бүтүн тәрәфләрин өһдәликләрини ифа етмәләрини тәләб едир.
Иран хариҹи ишләр назиринин сийаси мүавини Американын Ирана гаршы санксийаларыны “игтисади саваш” адландырыб. Билдириб ки, һазыркы ҝәрҝинликләрә сон гоймағын йеҝанә йолу, “бу игтисади савашда атәшкәс”дир.
Алманийа, Инҝилтәрә вә Франса Американын нүвә анлашмасындан ганунсуз олараг ҝери чәкилмәсиндән сонра Иранын игтисади марагларына зәманәт верәрәк бу анлашманы горуйаҹагларына сөз вердиләр. Бу өлкәләр АБШ-ын һәрәкәтләринә гаршы шифаһи вә сийаси мөвгеләринә бахмайараг, индийәдәк бу анлашманы горумаг үчүн вердикләри сөзә әмәл етмәйә мүвәффәг олмайыблар.
...........
340
