АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Иран президенти Һәсән Руһани Мүгәддәс Мүдафиә һәфтәсинин гейд олунмасы мәрасиминдә сонра дейиб ки, силаһлы гүввәләрин вә бөйүк халгын гүдрәти илә дүшмән Ислами Ирана тәҹавүз ҹүрәтинә малик олмайаҹаг. О, әлавә едиб: Иран халгы вәһдәт, мүгавимәт вә бирликлә нә Шәргин, нә дә Гәрбин һейбәтиндән, нә дә ки, онларын силаһларындан горхмады вә әрәб иртиҹасынын пулу гаршысында да тәслим олмады.
Руһани билдириб ки, Америка башда олмагла империалист ҝүҹләр даим бөлҝә өлкәләринин марагларыны тараҹ етмәк, проблем, бәдбәхтлик вә әмин-амансызлыг йаратмаг истәйирләр. О, дейиб: Америкалыларын Әфганыстан, Ираг, Фарс Көрфәзи вә реҝионун һәр бир нөгтәсиндә иштиракы даим әмин-амансызлыға сәбәб олубдур.
Иран президенти вурғулайыб ки, Иранын силаһлы гүввәләри даима реҝион үчүн тәһлүкәсизлик ҝәтирибләр. О, дейиб: Иранын силаһлы гүввәләри әҝәр Ираг, Сурийа, Фәләстин вә Ливан халгларынын кәнарында дайаныбларса, бу өлкәләр үчүн тәһлүкәсизлик ҝәтирибләр. Онлар вәһши террорчуларын көкүнү кәсә билибләр. Бу, Иранын Америка вә онун реҝиондакы мүттәфигләри илә олан фәргидир.
Руһани Иранын бу һәссас вә тарихи заман кәсийиндә реҝион өлкәләрилә һәмкарлыға һазыр олдуғуну билдирәрәк, белә гейд едиб: Иран бәзи өлкәләрин бөлҝәдәки кечмиш хәталарындан кечмәйә һазырдыр, зира бөлҝәнин дүшмәнләри, хүсусән Америка, империализм вә сионизм реҝион өлкәләри арасындакы ихтилаф, узаглыг вә айрылыгдан суи-истифадә етмәк ардынҹадырлар.
Иран президенти билдириб ки, бу ил БМТ-дә “Үмид коалисийасы” вә “Һөрмүз сүлһ тәшәббүсү” шүары илә иштирак едәҹәк. О, сөйләйиб: Иран Ислам Республикасы реҝион өлкәләринин һәмкарлыглары илә Фарс Көрфәзи вә Оман дәнизинин тәһлүкәсизйини йарада биләр.
........
340
