АБНА- Әһли Бејт (әлејһимус-сәлам) Хәбәр Аҝентлијинин вердији хәбәрә әсасән, Трампын Әфганыстанын йүксәк вәзифәли рәсмиләри вә талибләрлә ҝөрүш үзрә ҝизли планы онун һәлә нәтиҹә вермәйән Шимали Корейа, Чин вә Иран илә диалог кими хариҹи сийасәтдәки диҝәр ҹәсарәтли вә гейри-ади тәшәббүсләринә бәнзәйир.
Ассошиейтед-Пресс-ин мәлуматына ҝөрә, Америка президенти Доналд Трампын Талибан вә Әфганыстан башчылары илә ҝизли Кемп-Девид ҝөрүшүнүн 11 сентйабр һүҹумларынын илдөнүмүндән дүз бир нечә ҝүн өнҹә ләғв олунмасына даир сон тwитти, бир силаһлы гүввәләрин баш команданынын хариҹи сийасәтдә гәләбә газанмаг үчүн хәта етмәйә тәмайүлүнүн ән йени нүмунәсидир. Анҹаг һәмин гәләбә ҹәһди йалныз мәғлубиййәтлә нәтиҹәләнир.
Әфганыстанда мүһарибәйә сон гоймаг истигамәтиндә разылашманын әлдә олунҹағына даир ҝөзләнти арадан ҝөтүрүлүбдүр. Трамп вә Талибан бир-бириләрини Гәтәрин Доһа шәһәриндә бир ил мүддәтинә кечирилән мүзакирәләри позмагда мүгәссир билирләр.
Талибан үсйанчылары дейибләр ки, даһа чох гырғын төрәдәҹәкләр. Әфганыстан һөкумәти Вашингтонун Американын ән узун савашына сон гоймаг үзрә сәйиндә әсасән һашийәдә дурур вә Трампын сечки мүбаризәсинин гызышдығы бир һалда, онун Әфганыстанда галан 14 мин американ гүввәни чыхаҹағына даир вәди индийәдәк йеринә йетирилмәйибдир.
Трамп бир АБШ һәрбчисинин өлүмүнә сәбәб олмуш Талибанын Американын Кабилдәки сәфирлийи йахынлығында сон бомба гойулушуна ҝөрә, Кемп-Девиддәки ҝөрүшләри вә Талибанла сүлһ данышыгларыны ләғв едибдир.
Амма бу даншыгларын уғурсузлуғу бир нечә ҝүн бундан өнҹәдән, йәни Әфганыстан президенти Әшрәф Гәнинин Вашингтона сәфәрини тәхирә салдығы вә Талибанын бир разылашма имзаланмадан Америкайа сәфәрдән чәкиндийи замандан бәри башланыбдыр.
........
340
