ӘһлиБейт (әлейһимус-сәлам) - АБНА - Һөҹҹәтулислам Моһәммәд Ҹавад Һаҹ Әли Әкбәри Теһранын буһәфтәки ҹүмә намазы хүтбәләриндә авропалыларын өз нүвә анлашмасы өһдәликләринә әмәл етмәләри ваҹиблийини вурғулайыб. Гейд едиб ки, авропалыларын нүвә анлашмасы өһдәликләринә садиг галмайаҹаглары тәгдирдә, Иран өз өһдәликләрини азалтмагда давам едәҹәкдир.
Теһранлы намазгыланлар бу сөзләрдән сонра шүарлар верәрәк, Иранын нүвә анлашмасы өһдәликләринин азалдылмасыны һимайә едибләр.
Һөҹҹәтулислам Һаҹ Әли Әкбәри һәмчинин Американын тәнәззүлә дүчар олдуғуну билдириб. О, дейиб: Американын Сурийа, Ираг, Јәмән, Ливан вә Фәләстин дахил олмагла Гәрби Асийа бөлҝәсиндә мәғлуб олмасы, бу өлкәнин борҹунун 20 трилйон доллара чатмасы, наркоманийанын артмасы, евсизлик, аҹлыг вә ҹәмиййәтдә тәбәгәләр фәрги Американын тәнәззүл етмәсинин дәлилләриндәндир.
Теһранын ҹүмә намазы хитабәтчиси вурғулайыб: Америка өзүнүн сийаси, игтисади, иҹтимаи вә мәдәни гүдрәтини итириб вә дүнйа Америкадан сонракы дөвр барәдә дүшүнүр.
Һөҹҹәтулислам Һаҹ Әли Әкбәри билдириб ки, Иран халгынын мүгавимәти Американын тәнәззүлүнү сүрәтләндириб. О, дейиб: Мүгавимәт ҹәбһәсинин формалашмасы Американын реҝионал нүфузунун азалмасына сәбәб олуб.
Теһранын ҹүмә намазы хитабәтчиси һәмчинин Јәмән олайларына тохунуб: Тәҹавүзкар сәуд коалисийасы Јәмән батаглығында илишиб галыб вә бу бөһрандан гачмаға йол ахтарыр.
.........
340
