(ABNA24.com) Иран президенти вә Иран Ислам Республикасынын назирләр кабинетинин үзвләри бу ҝүн Ислам Ингилабынын Бөйүк Рәһбәри илә ҝөрүшүбләр.
Һәзрәт Айәтуллаһулузма Хаменеи бу ҝөрүшдә вурғулайыблар: Мәсул шәхсләр “мөвҹуд проблемләрин һәллинин әсас ачары” кими дахили истеһсала там диггәт йетирсинләр.
Ислам Ингилабынын Бөйүк Рәһбәри сонра игтисадиййат саһәсиндәки приоритетләри бәйан едәрәк, үч мәсәлә үзәриндә тәмәркүзләшибләр: Хам нефт ихраҹатындан асылылығы кәсмә, диҝәр секторларын мүһәррики ола биләҹәк игтисади тәканвериҹиләрә диггәт вә мәсул шәхсләрин вә органларын истеһсалчылара бахышларынын дәйишдирилмәси зәрурәти.
Һәзрәт Айәтуллаһулузма Хаменеи әлавә едибләр: Америка, Авропа вә һәтта сабиг ССРИ бу гырх илдә Иран Ислам Республикасына гаршы әлләриндән ҝәләни етдиләр, амма нәтиҹәйә чатмадылар. Әлбәттә, әзаб-әзиййәт вә чәтинлик йаратдылар, лакин ислами гурулушун һәрәкәти вә ирәлиләйишинә мане ола билмәдиләр.
Ислам Ингилабынын Бөйүк Рәһбәри Иран Ислам Республикасынын сийаси, мүдафиә вә игтисади саһәләрдәки ирәлиләйишләри вә габилиййәтләринин артмасына ишарә едәрәк, вурғулайыблар: Дүшмән һеч бир гәләт едә билмәз вә Иран Ислам Республикасынын икинҹи гырх или гәти шәкилдә бизим үчүн биринҹи гырх илдән даһа йахшы, дүшмәнләр үчүн исә даһа пис олаҹаг.
О һәзрәт чыхышларынын йекун һиссәсиндә Кәшмир мәсәләсинә тохунублар вә бу бөлҝә мүсәлманларынын дурумундан нараһатлыг ифадә едәрәк, дейибләр: Биз Һиндистан һөкумәти илә йахшы мүнасибәтләрә маликик, амма Һиндистан һөкумәтиндән ҝөзләнтимиз вә тәвәггемиз будур ки, нәҹиб Кәшмир әһалиси гаршысында инсафлы сийасәт йеритсин вә бу бөлҝә әһалисинә зоракылыг едилмәсин.
Ислам Ингилабынын Бөйүк Рәһбәри Кәшмир бөлҝәсинин һазыркы вәзиййәтини вә Һиндистанла Пакистан арасында бу саһәдә мөвҹуд олан ихтилафлары хәбис Инҝилтәрәнин Һинд йарымадасындан чыхаркән етдийи һәрәкәтләринин нәтиҹәси адландырыб вә белә дейибләр: Инҝилисләр Кәшмирдә тоггушманын давам етмәси үчүн бу йараны гәсдән бу бөлҝәдә гойублар.
Ислам Ингилабынын Бөйүк Рәһбәринин чыхышындан өнҹә Иран Ислам Республикасынын президенти ҹәнаб Руһани бир чыхышда Американын санксийаларыны террор һәрәкәти адландырыб вә белә гейд едиб: Бу ҝүн Америка бүтүн Иран халгына, иранлы ушаглар, гадынлар вә кишиләрә гаршы игтисади терроризмә әл атыбдыр.
Ҹәнаб Руһани Иранын нүвә анлашмасындакы өһдәликләрини азалтмаг үзрә гаршылыглы аддымларына ишарә едәрәк, дейиб: Өһдәликләрин азалдылмасында дүзҝүн йол сечмиш вә вурғуламышыг. Сәбримизин һәдди вар вә онларын өһдәсизликләри гаршысында там өһдәлийи гәбул едә билмәрик.
........
340
