Үмумдүнйа Әһли-Бейт (ә) Бирлийи 16 дилдә журнал нәшр едир

(ABNA24.com) Иран Ислам Республикасында фәалиййәт ҝөстәрән ҮмумДүнйа Әһли-Бейт (ә) Бирлийи мүхтәлиф өлкәләр үчүн 16 дилдә Ислам маарифини тәблиғ едән "Көвсәр", "Зейнәбин (с) исмарыҹы" вә "Сәгәлейн месажы" кими мәшһур журналлары чап вә нәшр едир.

Бу барәдә ИГНА илә мүсаһибәсиндә Үмумдүнйа Әһли-Бейт (ә) Ҹәмиййәтинин "китаб шурасы"нын катиби Һөҹҹәтул-Ислам вәл-мүслимин Аббас Ҹәфәри Фәраһани мәлумат вериб.

О дейиб: Үмумдүнйа Әһли-Бейт (ә) Ҹәмиййәти һәр ил дахилдән вә хариҹдән олан маарифчи ханымларын вә дин алимләринин иштиракы илә топланты вә конфранслар тәшкил едир. Һәр дөрд илдә бир дәфә тәшкил едилән бу топлантыларда гонаглар өз өлкәләриндә йашайан шиәләрин проблемләрини вә еһтийаҹларыны ишыгландырырлар.

Иран Ислам Республикасынын Гум вә Мәшһәд шәһәрләриндә кечирилән бу топлантыларда мүсәлман ханымлар өз реҝионларында йашайан шиә ханымларын мүхтәлиф мәсәләләри барәдә мәлумат верирләр. Һәмин мәлуматлар әсасында онларын маарифләндирилмәси үчүн сийаси, мәдәни, иҹтимаи вә инҹәсәнәт мөвзуларында китаб тәрҹүмәси вә тәлифи вә журнал нәшри кими ишләр барәдә гәрар верилир.  

Үмумдүнйа Әһли-Бейт (ә) Ҹәмиййәтинин "китаб шурасы"нын катиби әлавә едиб: Тәшкилатымыз тәрәфиндән мүхтәлиф өлкәләрдә 16 журнал чап вә нәшр едилир. Бунлардан Әрәб, Инҝилис, Испан вә Урду дилләриндә чап вә нәшр едилән "Сәгәлейнин месажы", Рус, Испан вә Фарс дилләриндә чап вә нәшр едилән "Көвсәр, Урду дилиндә чап вә нәшр едилән "Зейәбин (с) исмарыҹы", "Мисбаһул-Һүда", "Мәвәддәт", "Туба" вә "Елмин сәдасы", Финландийа дилиндә чап вә нәшр едилән "Салам", Испан дилинҹә чап вә нәшр едилән "Кичик Мәләкләр", Фарс дилиндә чап вә нәшр едилән "Хәзинә", "Бәшарәт" вә "Бүшра", Түрк дилиндә чап вә нәшр едилән "Гиблә", Бангал дилиндә чап вә нәшр едилән "Нур" вә "Интизар", Франсыз дилиндә чап вә нәшр едилән "Һикмәт" вә "Елм сәрчешмәләри" вә саир ишарә етмәк олар.

Бундан әлавә бир чох журналларын да електрон весрийалары да интернет үзәриндән охуҹулара чатдырылыр.

........
340