Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн һәбсдә олан Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору, руһани Шејх Сәрдар Һаҹыһәсәнлинин 3 ил мүддәтинә мәһкум едилмәсинә даир Масаллы рајон Мәһкәмәсинин һөкмүндән верилмиш апелјасија шикајәтинә бахылыб.
Мәһкәмә бахышы бу ҝүн (сентјабр ајынын 11-дә) Ширван шәһәр Апеллјасија Мәһкәмәсиндә саат 14:30-да баш тутуб.
Вәкил Ҹавад Ҹавадов билдириб: “Мәһкәмә заманы бир сыра вәсатәтләр вердик. Биринҹи инстансија мәһкәмәсиндәки вәсатәтләримизи јенидән ирәли сүрдүк. Лакин мәһкәмә онлардан јалныз бирини – Һаҹынын дәмир гәфәсдән чыхарылараг вәкилләрин јанында әјләшмәсини тәмин етди”.
Гејд едәк ки, нөвбәти мәһкәмә просеси сентјабр ајынын 25-ә тәјин едилиб.
Хатырладаг ки, руһани Сәрдар Һаҹыһәсәнли Масаллы рајонунун мәсҹидиндә намаз гылдығына вә дини сөһбәтләр етдијинә ҝөрә рајонун иҹра башчысы онун бардәдә полисә шикајәт едиб. Шикајәт әсасында она ҹинајәт иши ачылыб вә барәсиндә һәбс гәтимкан тәдбири сечилиб.
Билдирәк ки, Ијул ајынын 3-дә Масаллы Рајон Мәһкәмәсиндә Анар Алмурадлынын сәдрлији илә кечирилән просесдә Шејх Сәрдара һөкм охунуб. Мәһкәмәнин гәрары илә Шејх Сәрдар Һаҹыһәсәнли 3 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
