Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Алманијада бир ушаг бағчасында ишләјән түрк әсилли Алманија вәтәндашы олан мүәллимәнин мүраҹиәтинә бахан Конститусија Мәһкәмәси, мүәллимәнин Һиҹаблы шәкилдә ишләјә биләҹәјинә һөкм вериб.
Мәһкәмәнин вердији гәрарда, Мүсәлман гадынларын истифадә етдији Һиҹабын ушаг бағчасында бир тәлимчи тәрәфиндән тахылмасынын "конкрет тәһлүкә" јаратмадығы гејд олунуб. Гәрарда, һәмчинин бу ҹүр Һиҹаб тахылмасында миссионерлик етмә тәсиринин дә олмадығы вурғуланыб.
Ејни заманда Һиҹабын Алманијада надир раст ҝәлинән бир һал олмадығына вурғу едиләрәк, әксинә бунун чох вахт ҹәмијјәтин ҝүндәлик һәјатыны әкс етдирдији гејд олунуб.
Конститусија Мәһкәмәси һәмин мүәллимә барәсиндә, 2008-ҹи илдә Штутгарт мәһкәмәсинин, 2009-ҹу илдә Баден-Вүртенберг әјаләт мәһкәмәсинин вә 2010-ҹу илдә Федерал Иш Мәһкәмәсинин вердији гәрарлары дин азадлығыны позмасы әсасы илә ләғв едиб вә ишин јенидән гијмәтләндирилмәси үчүн Баден-Вүртенберг Әјаләт Мәһкәмәсинә ҝөндәриб.
Диггәт: Хәбәрдән истифадә етдикдә мәнбәјә истинад лазымдыр
