Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Фреедом Һоусе тәшкилатынын президенти вәзифәсини иҹра едән Даниел Калингаерт Азәрбајҹан президенти Илһам Әлијевин тәшлкилатын үнванына јөнәлтдији тәнгидә ҹаваб вериб.
Әлијевин артан авторитаризми вә һөкумәтин мүлки азадлыглара басгылары һагда Фреедом Һоусе-у ермәнипәрәстликдә иттиһам етмәсинә ҹаваб олараг бәјанат верән Калингаерт Азәрбајҹан президентини өлкәсинин инсан һаглары үзрә бәрбад ҝөстәриҹиләринә ҝөрә "ән чох мәсулијјәт дашыјан адам" адландырыб.
"Илһам Әлијев өтән онилликдә сивил ҹәмијјәт фәалларынын һеч бир әсассыз һәбс едилмәсиндә вә сијаси фикир ајрылыгларынын боғулмасында ән чох мәсулијјәт дашыјан адамдыр. Әлијев сахта сечкиләр сајәсиндә һакимијјәтдә галмыш вә бу дөврдә онун аилә үзвләри варланмышлар” дејә Калингаерт билдириб.
Даһа сонра Калингаерт әлавә едиб ки, Фреедом Һоусе Азәрбајҹан һөкумәтинин һүгуг позунтуларына диггәт јетирмәкдә давам едәҹәк.
Чәршәнбә ахшамы Авропа Иттифагы-Азәрбајҹан Парламент Әмәкдашлыг Комитәсинин нүмајәндә һејәти илә ҝөрүшүндә президент Әлијев Фреедом Һоусе тәшкилатыны “ермәнипәрәстликдә” иттиһам едәрәк, тәшкилатын сабиг президенти Давид Крамери хүсуси олараг тәнгид едиб. “Фреедом Һоусе-ун һесабатларынын бизим үчүн һеч бир әсасы јохдур вә бу тәшкилатын Авропа Парламентинин гәтнамәсиндә гејд олунмасы мәндә тәәҹҹүб доғурур” дејә о билдириб.
Азәрбајҹанын дөвләт рәсмиләри тез-тез бејнәлхалг инсан һаглары тәшкилатларыны ермәнипәрәстликдә иттиһам едир вә инсан һаглары позунтуларына даир тәнгидләри рәдд едирләр.
Диггәт: Хәбәрдән истифадә етдикдә мәнбәјә истинад лазымдыр
