Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Дини мәрҹәји-тәглид алимләриндән Ајәтуллаһ Нури Һәмәдани Мина фаҹиәсинин илдөнүмүндә етдији чыхышында Мина фаҹиәси шәһидләринин аиләләри вә јахынларына мүждә вериб.
Ајәтуллаһ Нури Һәмәдани ачыгламасында, Аллаһ Тәаланын (ҹ.ҹ) Мина шәһидләринә хүсуси бир немәт бәхш етдијини дејәрәк, белә данышыб: "Шәһадәт ганын гылынҹа галиб ҝәлмәси демәкдир. Шәһидлик үстүн бир мәгамдыр, Мина шәһидләри дә шәһадәтләрилә Ислам дининин әзәмәтини ҝөстәрдиләр. Нијә? Чүнки Исламда ән уҹа мәгам шәһадәт мәгамыдыр".
Ајәтуллаһ Нури Һәмәдани даһа сонра сөзләрини бу ҹүр давам едиб: "Инҝилисләр тәрәфиндән јарадылан вәһһабилик, һәлә јарандығы илк ҝүндән етибарән ган төкмәјә башлады, батил инанҹлары сәбәбилә минләрлә мүсәлманы шәһид етдиләр. 1216-ҹи һиҹри илиндә Кәрбәлаја һүҹум едәрәк, шәһәри гарәт етдиләр вә 7000 мүсәлманы өлдүрдүләр.
Вәһһабилик Исламын баш бәласыдыр; мүсәлманлар индијә гәдәр Гуран вә Әһли-бејт (ә) васитәсилә бирлији, бәрабәрлији вә вәһдәти тәмин етмәјә чалышыблар, амма глобал ҝүҹләр Сәудијјә сүлаләсинин көмәји илә мүсәлманлар арасында ихтилаф јарадыб.
Мүсәлманлар сијаси, етигады вә мәдәни саһәләрдә вәһдәтин тәмин едилмәсини исрар етдиләр. Амма Ибн Тејмијјә "Мимһаҹус-Сүннәт" адлы китабында батил тәәссүбү вә дүшмәнчилији сајәсиндә, шиәләрин инанҹларыны инкар едәрәк, шиәләрә сајсыз-һесабсыз бөһтан атды, шиә вә сүнниләр арасында кин вә нифрәтин јаранмасына сәбәб олуб. Ибн Тејмијјәнин батил фикирләрини давам етдирән Мәһәммәд бин Әбүлвәһһаб инҝилисләрин дәстәји вә истигамәтләндирмәсилә мүсәлманлары кафир елан едәрәк, һәлә башланғыҹда мүсәлманларын малларыны гарәт етди, ҹанларыны һалал сајды, гәтлә јетирди.
Сәудијјә режиминин 1986-ҹи илдә "Ганлы ҹүмә" кими тарихә дүшән ҝүндә иранлы һаҹылары Мәккәдә гәтлә јетирдиләр. Кечән ил дә Минада минләрлә һаҹыны шәһид етдиләр. Вәһһабилијин көкү гурујаҹаг, вәһһабиләр Мина шәһидләринин ганларында боғулаҹаглар.
Сәудијјә режиминин нефт долларлары сајәсиндә тәкфирчи ИШИД террор тәшкилатыны гурду, АБШ вә сионистләрин көмәјилә мүсәлманлара гаршы ҹинајәт төрәтмәјә башладылар".
Ајәтуллаһ Һәмәдани Бәһрејн һаггында исә бунлары дејиб: "Бәһрејн халгы бу һадисәләрдә һәгигәтән дә чох зәһмәт чәкди, амма ган вермәдикҹә, шәһид вермәдикҹә гәләбәјә наил олмазлар. Бәһрејн халгы гәләбәјә наил олмаг үчүн кәфән ҝејинәрәк, шәһадәтә һазырланмалыдыр.
Ган илә башлајан бүтүн һәрәкатлар мүвәффәгијјәтә наил олур, Ашура да елә бу ҹүр олмушдур. Имам Һүсејн (ә) ган мәктәбини гурду вә бу ган инсанларын гәлбинә сирајәт едәрәк, инсанлары даим бу ҹәрәјаны јад етмәјә сөвг етди. Имам Һүсејнин (ә) ганы Исламын мәнфәәтини тәмин етди, Мина шәһидләринин ганы Исламын әзәмәтини ҝөстәрди".
Диггәт: Хәбәрдән истифадә етдикдә мәнбәјә истинад лазымдыр
