Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һолландија парламенти өтән ҝүн кечирдији сәсвермәдә Сәудијјә Әрәбистанына силаһ вә һәрби мәгсәдләрдә истифадә едилә биләҹәк мәһсулларын сатышыны гадаған едиб.
Һолландија парламентинин бу гәрары Сәудијјә Әрәбистанында һәјата кечирилән едамлар вә Јәмәнә едилән тәҹавүз нәтиҹәсиндә гәбул едилиб.
Һолландија парламенти галдырдығы бу мәсәләдә һөкумәтдән гадағанын сәрт шәкилдә иҹрасыны тәләб едиб.
Гејд едәк ки, Авропа өлкәләриндән Инҝилтәрә дә Јәмәнә тәҹавүзә ҝөрә, Сәудијјә Әрәбистанына силаһ сатышынын мүвәггәти дајандырыб.
Һазырда Авропада Франса Сәудијјәјә силаһ сатан әсас өлкәдир.
Сәудијјә Әрәбистаны вә коалисијасы бир илә јахындыр ки, леҝитимлији дәстәкләмәк бәһанәси илә Јәмәнә һүҹума кечибләр.
Диггәт: Хәбәрдән истифадә етдикдә мәнбәјә истинад лазымдыр
