Азәрбаjҹана көнүллү тәслим олмуш ермәни һәрбчи беле деjиб: "Мәнасыз jерә өлмәкдән горхурам

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹана көнүллү тәслим олмуш ермәни һәрбчи беле деjиб: "Мәнасыз jерә өлмәкдән горхурам”
Андраник Григорjан: “Мартын 19-да мәнасыз тәшкил олунмуш тәхрибат заманы 20-дән артыг өлу, онларла jаралы вар”
АПА Мүдафиә Назирлиjи (МН) ермәни һәрби гуллугчунун Азәрбаjҹан тәрәф кечмәси һаггында мәлумат jаjыб.
МН-ин мәтбуат хидмәтиндән АПА-jа дахил олан мәлуматда деjилир ки, мартын 22-дә ҝүнорта саатларында илкин мәлумата ҝөрә 1991-ҹи илдә Хоҹавәнд раjонунда анадан олмуш, Ермәнистан Силаһлы Гүввәләринин һәрбчиси, мүгавилә әсасында һәрби хидмәт кечән һәрби гуллугчу Андраник Араратович Григорjан өз һәрби һиссәсини тәрк едәрәк көнүллү сурәтдә Азәрбаjҹан тәрәфинә тәслим олуб: “Гошунларын тәмас хәттини кечән ермәни һәрбчи һәрби гуллугчуларымыз тәрәфиндән сахланылыб.
Илкин диндирмәдә Андраник Григорjан билдириб: “Мән 1991-ҹи илдә Мартуни раjонунда анадан олмуш Андраник Араратович Григорjанам. 22 март 2015-ҹи ил тарихиндә көнүллү олараг Азәрбаjҹан тәрәфинә кечмишәм. Бунун чох садә бир сәбәби вар. Мән мәнасыз jерә өлмәкдән горхурам.
Ҹәбһә хәттини кечәндә мән тәк деjилдим. Мәнимлә сиз тәрәфә кечмәjә ҹәһд ҝөстәрән бир нәфәр дә вар иди. Мән даһа ҹәлд тәрпәндим. Силаһы атыб сизә тәрәф ҝәлдим. Онун талеjиндән хәбәрим jохдур. Ҝүман едирәм ки, артыг сағ деjил.
Нә гәдәр ермәни һакимиjjәти өз халгындан мартын 19-да олан һадисәни ҝизләтмәк истәсә дә, артыг һамы билир. Мәнасыз тәшкил олунмуш тәхрибат заманы 20-дән артыг өлу, онларла jаралы вар. Әсҝәр чатышмадығына ҝөрә постлара мүлкиләри jерләшдирирләр.
Мән онларын чиркин оjунларынын нөвбәти гурбаны олмаг истәмирәм. Гарабағдакы дөзүлмәз шәраит, һәрби һиссәләрдәки интизамсызлыг, силаһ-сурсат чатышмазлығы, гида вә дәрман гытлығы, jерли ермәниләрлә ермәнистанлы ермәниләр арасындакы мүнагишә, забитләрин әсҝәр вә ҝизирләрә пис мүнасибәти вә һәрҹ-мәрҹлик мәни ҹана jығыб. Мәним кими о тәрәфдә бу ҹүр jашамагдан безиб бура кечмәк истәjән чохлу саjда инсан вар.
Амма ачығыны деjим ки, бурда онлары нә ҝөзләдиjини билмәдикләри үчүн үрәк етмирләр. Мән дә бу аддымы атмаздан әввәл чох дүшүндүм вә гәрара ҝәлдим орада галыб өлүм саатымы ҝөзләмәкдәнсә көнүллү тәслим олум. Ҝөзләдиjимин там әкси олараг бурда мәни нормал гаршыладылар вә доjунҹа jемәк-ичмәк вердиләр.
Бир дә бурадан әлиндә мәҹбур силаһ тутан jолдашларыма сәсләниб демәк истәjирәм ки, азәрбаjҹанлылар һеч дә о, ҹинаjәткар һакимиjjәтин илләрдир бизим беjнимизә jеритдикләри кими деjилләр. Нә гәдәр ки, ҝеҹ деjил сиз дә мәним кими един”.
МН-ин мәлуматында о да билдирилир ки, һазырда тәһлүкәсизлиjи тәмин олунмагла сахланылан әсир А Григорjанла һамылыгла гәбул едилмиш инсан һүгуглары нормалары дахилиндә рәфтар едилир.
Диггәт: Хәбәрдән истифадә етдикдә мәнбәjә истинад лазымдыр