Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Һизбуллаһ Мүгавимәт Тәшкилатынын әскәрләри Суријанын Ливанла сәрһәд зонасында јерләшән Ҹуруд бөлҝәсинин Зубдани дағлыг мәнтәгәсиндә террорчу үнсүрләрин командирләриндән бирини әсир тутублар.
“Шејх әл Әраби” вә “Нәзијјәтул Хус” ләгәбләри илә танынан Шејх Ҹәбәл Суријада Әһрару Шам террор груплашманын ганады олан силаһлы дәстә үзвүнүн командиридир. О, 04 Феврал, 2015 тарихдә, јерли вахтла 07:00 радәләриндә Дәмәшгин гәрб бөлҝәсиндә Һизбуллаһ әскәрләри тәрәфиндән әсир ҝөтүрүлүб.
Бу һагда Ливан медиалары ачыглама верәркән билдирибләр: “Шејх Ҹәбәл, Сурија силаһлы груплашмалары арасында танынмыш үнсүрләдән бири иди. О, Әһрару Шам силаһлы груплашмаја табе бир дәстәнин командир вәзифәсиндә чалышырды.”
Ливанын Әл Әхбар газетинин билдирдијинә ҝөрә исә, Шејх Ҹәбәл Нүсрә Ҹәбһәси илә Әһрару Шам террорчу груплашмалара мејилли бириси олмуш вә үмдә бу ики террор груплашмасы арасында рабитә ролуну ојнајыбмыш.
Террорчуларын гејд олунан гоҹаман командиринин әсасән террор әмәлијјатлары Зубдани дағларындакы Сурија Милли Ордусунун базаларына гаршы олуб. Һәмчинин тәһлүкәсизлик әмәкдашларынын дәгиг әлдә етдикләри мәлуматлара ҝөрә, Зубдани мәнтәгәсиндәки Сурија Милли Ордусунун кечид мәркәзләриндә һәјата планлашдырылан террор әмәлијјатлары Шејх Ҹәбәлин идарәчили илә олуб.
Гејд едәк ки, Шејх Ҹәбәл Суријада дахили чәкишмәләрин башландығы ҝүндән бәри хүсуси илә дә Зубдани мәнтәгәсиндә Дөвләт илә террорчу гүввәләр арасында апарылан сүлһ данышыгларына гаршы чыхмыш вә бу ишә манеәләр төрәтмишдир.
Диггәт: Хәбәрдән истифадә етдикдә мәнбәјә истинад лазымдыр
