Токио: ИШИД-ин ҝиров ҝөтүрдүjү jапон журналистлә бағлы данышыглар далана сөjкәниб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Токио: ИШИД-ин ҝиров ҝөтүрдүjү jапон журналистлә бағлы данышыглар далана сөjкәниб
ИШИД jараглылары тәрәфиндән ҝиров ҝөтүрүлмүш jапон журналист Кензи Готонун азад олунмасы истигамәтиндә апарылан данышыглар далана сөjкәниб.
"Репорт" ТАСС аҝентлиjинә истинадла хәбәр верир ки, бу барәдә Јапониjанын дөвләт назири Јасуһиде Накаjама Иорданиjанын паjтахты Әмманда кечиридиjи мәтбуат конфрансында билдириб.
Геjд едәк ки, Јапониjанын хариҹи ишләр назири Фумио Кишида өтән ҝүн бәjан едиб ки, вәзиjjәтин дәjишилмәси илә бағлы һеч бир мәлумат jохдур.
Фумио Кишида Јапониjа һөкумәтинин Иорданиjанын һакимиjjәт органларындан Әммандакы jапон нүмаjәндәликләринин мүһафизәсини ҝүҹләндирмәjи хаһиш етдиjини дә ачыглаjыб. Назир геjд едиб ки, буна сәбәб ИШИД jараглылары тәрәфиндән ҝировларын ҝөтүрүлмәси илә бағлы ҝәрҝинлиjин артмасыдыр.
Хәбәр вердиjимиз кими, ИШИД jараглылары ҝировун азад олунмасы мүгабилиндә Әмман түрмәсиндә сахланан террорчу гадын Саҹида ал-Ришавинин онлара верилмәсини тәләб едибләр. Ултиматумун вахты jанварын 29-да jапон вахты илә саат 23:30-да баша чатыб. Террорчу гадынын һәлә дә түрмәдә олдуғу билдирилир.
Јараглылар тәрәфиндән jени тәләбләрин дахил олмасы барәдә һеч бир мәлумат верилмир.
Диггәт: Хәбәрдән истифадә етдикдә мәнбәjә истинад лазымдыр