Иран Ислам Республикасы лазер сәнаjесиндә дүнjада илк онлугдадыр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран лазер сәнаjесиндә дүнjада илк онлугдадыр
Иранын Милли Лазер Елмләри вә Фәнләри Мәркәзинин рәһбәри Иран Ислам Республикасынын стратежи лазер сәнаjесиндәки ҝөзәчарпаҹаг наилиjjәтләрини геjд едәрәк деjиб: Иран бу саһәдә 1-ҹи jердәдир вә Чин, Ҹәнуби Кореjа вә Јапониjа, һәтта Түркиjәдән өндә ҝедир. Дүнjада да 2-3 өлкә Ирандан өндә ола биләр вә Иран илк онлугда jер алыр.
Сеjид Һәсән Нәбәви Иранын 2-ҹи телевизиjасынын хүсуси хәбәр диалогу програмында әлавә едиб: Лазер сәнаjесинин инкишафы бир чох сәнаjенин дәгиг, кеjфиjjәтлә вә сүрәтлә онун кәнарында инкишаф етмәсинә сәбәб олду. Лазер сәнаjеси чох дәгиг сәнаjеләрдән һесаб олунур. Мәгсәдимиз стратежи лазерләрин истеһсалыны ҝенишләндирмәкдир. Бу исә jүксәк технолоҝиjаларда һесаб олунур.
Нәбәвинин сөзләринә ҝөрә, дүнjада лазер истеһсалынын кәшфи профессор Ҹаван адлы иранлы алим тәрәфиндән он илләр өнҹә кәшф едилмишдир.
Әли Ҹаван Теһранда тәбризли аиләсиндә дүнjаjа ҝөз ачыб. Иранлы ихтирачы вә физик Әли Ҹаван АБШ-да jашаjыр.
Әли Ҹаван 1960-ҹы илдә Уилjам Р.Бентлә бирликдә һелиум вә неон газы тәркибиндән дүнjанын илк газ лазерини ихтира етди. Бу лазер елә һәмин адла мәшһурдур.
Диггәт: Хәбәрдән истифадә етдикдә мәнбәjә истинад лазымдыр