Азәрбаjҹанын Ханкәнди шәһәринин ермәниләр тәрәфиндән ишғалындан 23 ил өтүр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹанын Ханкәнди шәһәринин ермәниләр тәрәфиндән ишғалындан 23 ил өтүр
1991-ҹи ил декабрын 28-дә Кәркиҹаһан гәсәбәсинин ишғалы илә Ханкәнди вә әтраф әразиләрин ишғалы баша чатдырылыбБу ҝүн Азәрбаjҹанын Ханкәнди шәһәри вә әтраф әразиләр үчүн мүһүм стратежи әһәмиjjәтә малик ола Кәркиҹаһан гәсәбәсинин ермәниләр тәрәфиндән ишғалындан 23 ил өтүр.
1991-ҹи ил декабрын 28-дә Кәркиҹаһан гәсәбәсинин ишғалы илә Ханкәнди вә әтраф әразиләрин ишғалы баша чатдырылыб.
Ишғал ҝүнүнә гәдәр Ханкәнди әрази ваһидлиjинин тәркиб һиссәси олан Кәркиҹаһанын мүдафиәси кәнд сакинләриндән jерли өзүнүмүдафиә дәстәләриндән, jени jаранмыш олан полис вә Милли Ордунун бир груп әсҝәрләри тәрәфиндән тәшкил олунуб.
Ханкәнди истигамәтиндән Кәркиҹаһана доғру һүҹума кечән ермәни силаһлыларынын истифадәсиндә олан һәрби техника вә ағыр силаһларын гаршысында бу ҹүр мүдафиә дәстәләри сон нәтиҹәдә ҝери чәкилмәjә мәҹбур олублар. Өзүнүмүдафиә дәстәләринин бир мүддәт ермәни силаһлыларынын һүҹумларынын гаршысыны алмалары нәтиҹәсиндә динҹ әһали гәсәбәдән чыхарылыб.
Ишғалдан әввәл әһали 350 аилә тәсәррүфаты нәздиндә 1796 нәфәр тәшкил едиб. Ики орта мәктәб, бир ушаг бағчасы, бир китабхана, бир клуб, бир АТС, он дүкан, бир тибб амбулаториjасы, мүхтәлиф истеһсал саһәләринә аид олан беш сех вә диҝәр мәишәт-иашә обjектләри дағыдылыб.
Кәркиҹаһан вә әтраф әразиләр уғрунда ҝедән дөjүшләрдә 34 нәфәр шәһид олуб, 150 нәфәр исә мүхтәлиф дәрәҹәли хәсарәтләр алыблар. Шәһид оланлардан 3 нәфәр гадын, 2 нәфәр исә азjашлы ушаг олуб.
Аллаһ бүтүн шәһидләрә рәһмәт еләсин!
Диггәт: Хәбәрдән истифадә етдикдә мәнбәjә истинад лазымдыр