Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АИП-ин рајон комитәләри нојабрын 16-на планлашдыран митингә ҹидди һазырлыг ҝөрүрләр. Бу барәдә Исламинсеси.орҝ сајтына рајон комитәләринин рәһбәрләри мәлумат вериб.
-Ләнкәран рајон комитәсинин сәдри һаҹы Илһам Һаҹыјев:
- Митинг гәрары зәрурәтдән ирәли ҝәлән дүзҝүн бир аддымдыр. АИП сәдри Һаҹы Мөвсүм Сәмәдова гаршы һәбсханада тәзјигләр башлајан ҝүндән мән етираз аксијалары кечирилмәсинин тәрәфдары олмушам. Бу ҝүн һаҹы Мөвсүм вә онун зидандакы диҝәр мәсләкдашлары өмүрләринин ән ҝөзәл илләрини халга гурбан верәрәк, ҹәмијјәтин азадлығы, һүгугларынын бәрпасы уғрунда мүбаризә апарырлар. Халгын үзәринә дүшән вәзифә исә онларын өзләринин позулмуш һүгугларыны, азадлыг һагларыны мүдафиә етмәкдир. Етираз сәсини евдә отурмагла дүнјаја чатдырмаг олмаз. Биз мејданлара чыхмалы, һагг сәсимизи милјонлара вә өлкә рәһбәрлијинә чатдырмалыјыг.
Һәр ајын сонунда һесабат типли топланты кечирир, ваҹиб мәсәләләри мүзакирә едәрәк сәсвермә јолу илә гәрар веририк. Сон иҹласымыз да митинг һазырлыгларына һәср олунмушду. Гәрара алдыг ки, АиП-ин нојабрын 16-на планлашдырылан митингинә бүтүн гүввләримизи сәфәрбәр едәрәк гатылмалыјыг.
-Ҝәнҹә рајон комитә сәлаһијјәтлиси Физули Аббасов:
-Митингә иҹазә вериләрсә, Ҝәнҹә исламчылары да бу аксијада бөјүк фәаллыг нүмајиш етдирәҹәк. Өлкәдә мөвҹуд олан проблемләрә, јол верилән әдаләтсизлик вә һагсызлыглара гаршы һагг сөзүмүзү демәлијик. Бу өлкәдә чохларынын һүгугу позулур. Амма исламчылара гаршы јүрүдүлән тәзјиг вә зоракылыгларын аналогу јохдур. Ислам Партијасы өз сөзүнү демәлидир. Инанҹлыларын һүгугларынын позулмасыны халг ешитмәлидир. 16-на планлашдырылан митингдә ҝәнҹәлиләр дә күтәви иштираклары илә өз сөзләрини дејәҹәкләр. Биз бу аксијаја һәртәрәфли һазырлашмышыг вә Аллаһ бу мүбаризәдә бизимләдир.
-Ҹәлилабад рајон комитәсинин сәдри һаҹы Тәјјар Әлијев:
-Биз АИП рәһбәрлијинин ҝөстәришини сәбирсизликлә ҝөзләјирик. Партијадан верилән тапшырыг әсасында митингдә иштирак етмәјә һәр ан һазырыг. АИП-ин митинг гәрары зәрурәтдән ирәли ҝәлир. Бизим тәләбләримиз тәкҹә исламчы мәһбусларын азад едилмәси вә онлара гаршы тәзјигләрә сон гојулмасындан ибарәт дејил. Биз иш јерләринин јарадылмасы, коррупсија вә рүсвәтхорлуг һалларынын арадан галдырылмасы, исламафобија вә һиҹабафобијаја сон гојулмасы кими шүарлар да ирәли сүрмәји нәзәрдә тутмушуг. Бүтүн бу мәсәләләрә вә ејни заманда, Мөвсүм Сәмәдов кими бир шәхсијјәтин һагсыз һәбсинә,диндарлара гаршы олан тәзјигләрә етираз етмәк үчүн биз бу митингдә мүтләг иштирак едәҹәјик.
-АстарарајонкомитәсининсәдриИсаҺәсәнов:
-Биз буна там һазырыг. Мән дејәрдим биз бунун үчүн һәтта бир гәдәр ҝеҹикмишик дә... Митинг кечирмәк үчүн шәһәр меријасынын иҹазә вермәси һәлә ки, суал алтындадыр. Биз иҹазә верилмәјәҹәји тәгдирдә, даһа сәрт тәдбирләрә әл атмалы вә митинг кечирмәјә наил олмалыјыг. Ҹүнки бизим халга вә өлкә рәһбәрләринә дејиләси чох сөзүмүз вар. Биз 20 илдир ишғал алтында галан Гарабағ торпагларынын азад едилмәси үчүн кәнар гүввәләрин көмәк вә реаксијасыны ҝөзләмәдән бир јумруг алтында бирләшмәли, Аллаһ јолунда бу мүгәддәс мүһарибәјә башлајараг әразиләримизи өзүмүз азад етмәлијик. Ислам өкәсиндә мүсәлманлара гаршы бу гәдәр тәзјигләрин сәбәбини сорушмалыјыг. Исламчылара едилән бу зүлмләрин гаршысында һансы толерантлыгдан данышмаг олар? Биз гәрарлыјыг вә етираз аксијасына мүтләг гатылаҹајыг.
Диггәт: Хәбәрдән истифадә етдикдә мәнбәјә истинад лазымдыр
