Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бәһрејнин наразы халг гүввәләри өлкәнин мүхтәлиф бөлҝәләриндә режимә гаршы етираз аксијаларыны давам етдирирләр.
әл-Дијә вә Сәмаһиҹ шәһәрләриндә митингләрә гошулан етиразчылар, парламент вә бәләдијјә сечкиләрини бајкот етмәклә јанашы Али Хәлифә вәһһаби падшаһлыг режиминдәки бүтүн сијаси мәһбусларын азад едилмәсини дә тәләб едибләр.
Митинг иштиракчылары өлкәнин идарәетмә системинин падшаһлыг системиндән дәјишдириләрәк демократик бир системлә әвәз олунмасына даир мүхтәлиф шүарлар сәсләндирибләр.
Гејд едәк ки, Бәһрејн Шиәләринин парламент вә бәләдијјә сечкиләринин бајкот едилмәси илә бағлы тәшкил етдикләри етираз митингләри өлкә иҹтимаијјәти, сијаси органлар тәрәфиндән јүксәк сәвијјәдә гаршыланыб. Мүхтәлиф сијаси тәшкилатлар да өз нөвбәләриндә бүтүн бәһрејнлиләри али Хәлифә режими тәрәфиндән кечириләҹәк парламент вә бәләдијјә сечкиләрни бајкот етмәјә чағырыблар.
Диггәт: Хәбәрдән истифадә етдикдә мәнбәјә истинад лазымдыр
