Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 14 октјабр 2014 тарихдә, Имам Казым вә Имам Ҹәвадын (Аллаһын салам онларын үзәринә олсун) һәрәмләринин Бабул Мурад- Мурад Гапысы адлы ејванын ачылыш мәрасими олуб. Ачылыш мәрасиминдә Ирагын Баш Назири вә Мүгәддәс Һәрәмләрин Тәмири вә Јенидән Грулмасы Комитәсинин сәдр јахындан иштирак едибләр.
Ираг рәсмиләриндән әлавә Иран Ислам Республикасынын рәсми нүмајәндәләринин дә иштрак етдији мәрасимдә Та Һа лајиһәси әсасында инша едиләҹәк үч ејванлардан илкинин ачылыш мәрасими минләрлә зәвварларын һүзуру гаршысында һәјата кечирилиб.
Гуран Кәримин нурани ајәләринин тилавәти вә Әһли Бејтин (әлејһимус сәлам) шәниндә сөјләнинәлән мәдһијјәләрдән сонра, Ирагын Баш Назири вә даһа сонра Казимејн һәрәмини мүдири чыхыш едәрәк бу лајиһәдә чалышыб зәһмәт чәкәнләрин һаммысына тәк тәк сәмими гәлбдән тәшәккүр етдикләрини билдирибләр.
Билдирәк ки, Бабул Мурад ејванынын иншасы кечән илдән башланараг, 10 метр һүндүрлүкдә, 8 метр енниликдә, Насири дөвранына аид јазыларла вә 14 Мәсум олан Әһли Бејтин (әлејһимус сәлам) адлары јазылмыш, үмумиликдә исә 6000 халис гызыл кәрпиҹлә ишләниләрәк бу ил баша чтдырылыб.
Гејд едәк ки, Бабул Мурад ејванындан сонра јахын ҝәләҹәкдә Бабул Гурејш- Гурејш Гапысы, Бабул Гиблә- Гиблә Гапысы ејванларынын даһа сонра исә, һәрәмин дөрд тәрәфиндә уҹалдылаҹаг минарәләрин тәмир вә јенидән гурма ишлләри тамамланаҹаг.
Диггәт: Хәбәрдән истифадә етдикдә мәнбәјә истинад лазымдыр
