Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн Түркијәнин Иғдыр шәһәриндә бу өлкәнин Әһли Бејт (әлејһимус сәлам) Алимләри Иҹмасы тәрәфиндән Бөјүк Ислам Бајрамы олан Гәдир Хум һадисәси бөјүк тәнтәлә илә гејд едилиб.
Сүнни вә Шиә мәзһәбләринин давамчыларынын итирак етдикләри мәрасимдә илк өнҹә Түркијә Әһли Бејт (ә) Алимләри Иҹмасынын сәдри Кадир Акарас чыхыш едиб.
Ататүрк Мәдәнијјәт Сарајында кечирилән мәрасимдә чыхыш едән Кадир Акарас Ислам идеолоҝијасында Имам Әлинин (әлејһи сәлам) мәгамына Иҹтимаи Әдаләтин ајрылмасынын зәрурилијинә вә Ислам сивлизасијасында Иҹтимаи Әдаләтин һансы рол ојнадығына ишарә едәрәк билдириб: “Бу ҝүнкү бәшәријјәтин әсас проблеми Иҹтимаи Әдаләт мөвзусудур. Биз фәхр едирик ки, һәзрәти Әмирәл Мөминин Әли (әлејһи сәлам) вар ҝүҹү илә Иҹтимаи Әдаләт мәсәләсинә гол гојараг, өз адыны (Әли Әдаләтин өзүдүр) Әдаләт илә ејни сәвијјәдә һаландырмаға наил олду”.
О, даһа сонра билдириб: “Ислам Пејғәмбәриндән (сәлләлаһу әлејһи вә алиһ) сонра әзрәти Әлидән (әлејһи сәлам) башга һеч кимсә өзүнә “Мән Гурани Натигәм” дејә билмәјиб. Бу бөјүк бир һәгигәтә ҝөрә дә, Ислам Дүнјасы Исламын һәгигәтләрини анламаг үчүн Имам Әлинин (әлејһи сәлам) кәламларыны дәрк едиб, онун мәфкүрәсини гәбул етмәк мәҹбуријјәтиндәдир.”
Мәҹлисин програмларындан бир һиссәси дә, Илаһи Нәғмәләрин охунушу вә шер сөјләмәк вә еһсан сүфрәси ачмаг олуб.
Диггәт: Хәбәрдән истифадә етдикдә мәнбәјә истинад лазымдыр
