Буҝүн Имамәт сәмасынын 10-ҹу парлаг улдузу Имам Әлиjjән-Нәги (ә) мөвлуд ҝүнүдүр

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Бу ҝүн Имам Әлиjjән-Нәги (ә)-ын мөвлуд ҝүнүдүр
Буҝүн Имамәт сәмасынын 10-ҹу парлаг улдузу Имам Әлиjjән-Нәги (ә) мөвлуд ҝүнүдүр
Ислам тәгвими илә 212-ҹи зилһиҹҹә аjынын 15-дә Имамәт сәмасынын 10-ҹу парлаг улдузу Имам Әлиjjән-Нәги (ә) Мәдинә jахынлығындакы Сәрjа адлы бир jердә дүнjаjа ҝөз ачмышдыр.Һәмин тарих бу ил октjабыр аjынын 31-нә тәсадүф едир.Бу мүнасибәтлә 12-ҹи Имамымыз Һәзрәт Меһдини (әҹ.ф) вә бүтүн һәгәгәт севәрләри тәбрик едирик.
Имамын мүбарәк ады Әли,күнjәси Әбәл-Һәсән,ән мәшһур ләгәбләри Һади вә Нәгидир.Атасы 9-ҹу Имам Мүһәммәд Тәгидир(ә) анасы Сәманә ханымдыр(с).
Һәзрәт 220-ҹи илдә Имамлыг мәгамына уҹалмышдыр.
ИМАМ ҺАДИНИН (Ә) ФӘЗИЛӘТЛӘРИ
Шеjх Туси вә башгалары Исһаг ибн Абдуллаһ Әләви Үреjзидән Рәваjәт едирләр ки,деjир:"Илин оруҹ тутмаг мүстәһәб олан дөрд ҝүнү һаггында атамла әмиләрим арасында ихтилаф дүшдү вә онлар өз мәсәләләрини һәлл етмәк үчүн Имам Һадинин(ә) һүзуруна ҝетдиләр."О вахтлар Имам Сүрәjjада галырды вә Самираjа ҝетмәмишди.Онлар Имамын һүзуруна чатанда о һәзрәт буjурду:”Сиз бура мәндән илин оруҹ тутмаг мүстәһәб олан ҝүнләр барәдә сорушмага ҝәлмисиниз?Дедиләр:Бәли,jалнәз буну өjрәнмәк үчүн ҝәлмишик.Имам буjурду:”О дөрд ҝүнүн бири рәбиул-әввәл аjынын 17-дир вә о ҝүндә Аллаһ Рәсулу(с) анадан олмушдур.Икинҹиси Рәҹәб аjынын 27-дир ки,Пеjғәмбәр (с) Пеjғәмбәрлиjә чатмышдыр.Үчүнҹүсү зигәдә аjынын 25-дир.О ҝүндә jер ҝенишләндирилмишдир.Дөрдүнҹүсү исә Зилһиҹҹә аjынын 18-ҹи ҝүнү олан Гәдир хум ҝүнүдүр”
Рәвәнди деjир:Имам Һадидә(ә) Имамлыг хүсусиjjәтләриҹәм олмушду,фәзиләт,елм вә ҝөзәл хисләтләр камилләшмишди.О Һәзрәтин әхлагы ата-бабалары кими харигүл-адә һәддиндә иди.Ҝеҹә олан кими үзүгибләjә даjанар,ибадәтлә мәшғул оларды вә бир ан белә ибадәтдән әл чәкмәзди.Әjнинә jун палтар ҝеjәрди.Сәҹҹадәси һәсирдән иди.
“ АЛЛАҺЫН ҺӨҸҸӘТИ ЈАЗДЫ “
“Әлламә Һилли”нин заманында Әһли-сүннәдән олан бир шәхс шиә мәзһәбинин әлеjһинә бир китаб jазмышды вә ондан хүсуси вә үмуми дәрс мәҹлисләриндә истифадә едирди.Бунунла чохларыны jолундан аздырыб Имамиjә (шиә)мәзһәбинә гаршы бәдбин етмишди.Диҝәр тәрәфдән дә китабын шиә алимләринин әлинә дүшүб она ҹаваб jазаҹағындан горхдуғундан ону һеч кәсә вермирди.Әлламә Һилли бөjүк елми дәрәҹәjә саһиб олмасына бахмаjараг һәмин китабы һәр һансы васитә илә әлдә етмәк үчүн о шәхсин дәрсиндә иштирак едирди.Заһирини ҝизләтмәк үчүн өзүнү онун шаҝирди кими ҝөстәрирди.Бир мүддәт кечдикдән сонра Әлламә мүәллим-шаҝирд бағлылығыны бәһанә ҝәтирәрәк мүәллимдән китабы она вермәсини хаһиш едир.Һәмин шәхс Әлламәнин ширин давранышлары гаршысында тәслим олуб китабы вермәмәк үчүн бир бәһанә тапмадығындан верир вә деjир:”Мән бу китабы бир ҝеҹәдән артыг кимсәjә вермәмәjи нәзр етмишәм.”Әлламә чарәсизликдән гәбул едир вә һәмин ҝеҹәни гәнимәт билиб бир дүнjа севинҹлә китабы үзүндән көчүрмәjә башлаjырОнун фикри бу иди ки,баҹардығы гәдәр ондан көчүрүб вә мүнасиб фүрсәтлә она ҹаваблар jазар.Ҝеҹәнин jарысына чатдыгда jухусу ҝәлир.Бу заман әзәмәтли вә нурлу бир шәхс онун отағына дахил олур вә онунла һәм сөһбәт олур .Мүәjjән гәдәр сөһбәтдән сонра буjурур:”Әлламә,сән jат вә jазмағы мәнә тапшыр.”Әлламә етираз етмәдән итаәт едир вә дәрин jухуjа ҝедир.(Сүбһ намазына)оjандыгда өз нурани гонағындан һеч бир әсәр-әламәт ҝөрмүр.Јазысына бахмаг истәдикдә китабын там вә камил шәкилдә jазылдығыны вә онун сонунда “Кәтәббәһул-Һөҹҹәт”(ону Аллаһын Һөҹҹәти jазды)имзасыны олдуғуну мүшаһидә едир.
ИМАМ ҺАДИ (Ә) ҺӘГИГИ АЛИМЛӘРИ ДӘЈӘРЛӘНДИРИР
Имам Һади (ә) тәһгигатчы вә чалышган алимләрә чох еһтирам ҝөстәрирди вә ардыҹылларыны онлара еһтирам ҝөстәрмәjә ҹидди шәкилдә дәвәт едәрди вә буjурарды:”Әҝәр сизин Гаиминиз геjбә чәкилдикдән сонра,ҹамааты Гаим Меһдиjә тәрәф чагыран,доғру jолу ҝөстәрән,Илаһи дәлилләрлә дини мүдафиә едән,Аллаһын зәиф бәндәләрини Иблис вә Иблисин һавадарларынын вәсвәсәләриндән,һәмчинин Әһли-беjт дүшмәнләринин тәләләриндән горуjуб ниҹат верән мүәjjән алимләр олмаса,шүбһәсиз,мүсәлманларын һамысы динсизлик вә азғынлыға дүшәрләр.Лакин һәмин алимләр дүшүнҹә вә әгли ҹәһәтдән зәиф олан шиәләрин гәлб ипини әлинә алыб ҝәмичи ҝәминин сәрнишинләрини горудуғу кими онлары азғынлыг батаглығында гәрг олмагдан горуjуб ниҹат верәрләр.Белә алимләр Аллаһ jанында ән үстүн вә дәjәрли инсанлардыр.”
Диггәт: Хәбәрдән истифадә етдикдә мәнбәjә истинад лазымды