Түрк ордусуна мәхсус танклар сәрһәдә jеридилиб

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, ИШИД Суриjанын Түркиjә илә сәрһәдиндәки Кобани шәһәрини әлә кечириб
“Ираг Шам Ислам Дөвләти”нә (ИШИД) мәхсус силаһлылар Суриjанын Түркиjә илә сәрһәдиндә jерләшән Кобани шәһәрини әлә кечириб.
Суриjа күрдләринин Демократик Бирлик Партиjасынын (ПЈД) һәрби ганады олан ЈПҜ-нин нәзарәтиндәки шәһәр ИШИД-ин иjирми ҝүндүр давам едән һүҹумларына давам ҝәтирә билмәjиб.
Гурбан баjрамынын илк ҝүнүндән Кобани уғрунда ЈПҜ илә күчә дөjүшләринә башлаjан ИШИД бу ҝүн шәһәрдә өз баjрағыны галдырыб. Артыг Кобанидә атылан мәрмиләр Түркиjә әразисинә дүшмәjә башлаjыб вә илкин мәлуматлара ҝөрә, дөрд нәфәр jараланыб.
Түркиjә һөкумәти ИШИД тәһлүкәсинә гаршы тәһлүкәсизлик тәдбирләрини ҝүҹләндириб. Кобани илә сәрһәддәки үч мәһәллә вә суриjалы гачгынларын jашадығы чадыр шәһәрҹиjи Шанлыурфа валилиjинин гәрары илә бошалдылыб. Түркиjә Гуру Гошунларынын команданы, орду ҝенералы Һулуси Акар мүдафиә тәдбирләринә рәһбәрлик етмәк үчүн Шанлыурфаjа ҝедиб. Сәрһәддәки стратежи jүксәкликләрә чохлу саjда танк чыхарылыб вә онларын лүләләри Суриjа сәрһәдинә доғру чеврилиб.
Диггәт: Хәбәрдән истифадә етдикдә мәнбәjә истинад лазымдыр