Гарабағы Русиjанын әразиси билән русиjалы мәмур президент Әлиjевин гәбулунда

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Гарабағы Русиjанын әразиси саjан Русиjалы депутат, бу ҝүн Азәрбаjҹан Республикасы президенти Илһам Әлиjевин ҝөрүшүндә олуб
"АзәрТАҹ"-ын хәбәринә ҝөрә, президенти Илһам Әлиjевлә Русиjа Либерал-Демократ Партиjасынын сәдри, Русиjа Федерасиjасы Дөвләт Шурасынын үзвү, Дөвләт Думасынын депутаты Владимир Жириновскинин ҝөрүшүндә икитәрәфли мүнасибәтләр, о ҹүмләдән парламентләрарасы әлагәләрин һазыркы вәзиjjәти вә перспективләри әтрафында фикир мүбадиләси апарылыб.
Сентjабрын 26-да Бакыда сәфәрдә олан Русиjа Либерал-Демократ Партиjасынын сәдри, депутат Владимир Жириновски ҝениш гаршыланандан сонра, Бакы Славjан Университетиндә олуб, Азәрбаjҹанда рус дилинә jахшы диггәт ҝөстәрилдиjини деjәрәк, Бакы Славjан Университетинин фәалиjjәт ҝөстәрмәсиндән шад олдуғуну, Азәрбаjҹанда рус дилинин өjрәнилмәсини, рус мәдәниjjәтинин өjрәнилмәси кими дәjәрләндириб.
Геjд етмәк jеринә дүшәрди ки, Русиjа Федерасиjасы Дөвләт Шурасынын үзвү, Дөвләт Думасынын депутаты Владимир Жириновски 13 Мартда Азәрбаjҹан гаршы әрази иддиасы ирәли сүрүб, билдирмишдир:  “Ермәнистан вә Азәрбаjҹан һеч вахт Гарабағ барәдә разылыға ҝәлә билмәjәҹәкләр. Она ҝөрә дә Гарабағы да Русиjанын тәркибинә гатмаг лазымдыр. О заман ермәниләр дә инҹимәjәҹәкләр. Азәрбаjҹанлылар да бунунла барышмалы олаҹаглар, чүнки Гарабағ Ермәнистана галмаjаҹаг, Русиjанын тәркибинә кечәҹәк”.
В Жириновски билдириб ки, Днестрjаны әрази дә дахил олмагла, кечмиш ССРИ-нин бүтүн әразиләри арзу етдикләри тәгдирдә Русиjанын тәркибинә кечә биләрләр:
О вахт, Азәрбаjҹан парламенти сәдринин 1-ҹи мүавини Зиjафәт Әсҝәров Владимир Жириновскинин Азәрбаjҹан халгынын үнванына сөjләдикләринә мүнасибәт билдирәркән ону тәлхәк вә хәстә адландырмышдыр: “Жириновскиjә сиjаси тәлхәк деjирләр, фикримизҹә, “тәриф” доғрудурса да, натамамдыр, чүнки о, һәм дә хәстә сиjаси тәлхәкдир.
Ҝөрәсән, Гарабағы Русиjанын әразиси билән русиjалы мәмурдан, Бакы сәфәриндә бу иддиа илә бағлы суал олунубму?
Диггәт: Хәбәрдән истифадә етдикдә мәнбәjә истинад лазымдыр