Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Азәрбаjҹан һөкумәти октjабр аjынын 24-нә гәдәр АИП лидери Мөвсүм Сәмәдовла бағлы Авропа Мәһкәмәсинин үнванладығы сорғуну ҹавабландырмалыдыр. Јалныз сорғунун ҹавабландырылмасындан сонра мәһкәмә просесинә старт вериләҹәк.”
Бу сөзләри АИП лидери Мөвсүм Сәмәдовун вәкили Анар Гасымлы партиjа сәдринин мәһкәмә иши илә бағлы ачыглама верәркән геjд едиб.
Өтән һәфтәнин шәнбә ҝүнү 11 саjлы Ҹәза Чәкмә Мүәссисәсиндә Мөвсүм Сәмәдовла ҝөрүшдүjүнү сөjләjән вәкил, АИП лидеринин сәһһәтинин вә әһвал руһиjjәсинин гаjдасында олдуғуну сөjләди: “Мөвсүм Сәмәдов бүтүн достларына вә ону таныjанлара салам ҝөндәрди. Һазырда Авропа Мәһкәмәси Доктор Сәмәдовун иши илә бағлы Азәрбаjҹан һөкумәтинә сорғу ҝөндәриб. Октjабр аjынын 24-нә гәдәр ҝөндәрилән сорғу ҹавабландырылдыгдан сонра, Авропа Мәһкәмәсиндә просесләрә старт вериләҹәк. Јәгин ки, Авропа Мәһкәмәси ноjабр аjында өз ишинә башлаjар.”
Геjд едәк ки, Мөвсүм Сәмәдов 2011-ҹи ил jанвар аjынын 2-дә партиjанын баш мәҹлисиндә Азәрбаjҹан һакимиjjәтинин үнванына тәнгиди чыхышдан 5 ҝүн сонра jанвар 7-дә һәбс едилиб. Һәмин дөврдә АИП лидери һаггында jанварын 20-дә һәбс гәтимкан тәдбири сечилиб. Октjабрын 7-дә Бакы Ағыр Ҹинаjәтләр Мәһкәмәсинин чыхардығы һөкмлә Азәрбаjҹан Ислам Партиjасынын һәбсдә олан лидери Мөвсүм Сәмәдову 12 ил азадлыгдан мәһрум едилиб.
Диггәт: Хәбәрдән истифадә етдикдә мәнбәjә истинад лазымдыр
Вәкил АИП лидери Мөвсүм Сәмәдовун иши илә бағлы ачыглама верди
Вәкил АИП лидери Мөвсүм Сәмәдовун иши илә бағлы ачыглама верди
19 sentyabr 2014 - 12:11
Xəbər kodu: 638696
Анар Гасымлы: “Һазырда Авропа Мәһкәмәси Доктор Сәмәдовун иши илә бағлы Азәрбаjҹан һөкумәтинә сорғу ҝөндәриб”
