Әһли Бейт (әлейһимус сәлам) -АБНА- Хәбәр Аҝентлийинин вердийи хәбәрә әсасән, Дүшмән өлкә парламентинин спикеринин Исраилә ҝизли сәфәр етдийи барәдә мәлуматлар йайылыб; Азәрбайҹанын әсас силаһ донорларындан олан Тәл-Әвиви ишғалчы өлкә илә һансы мараглар вә йа дәйәрләр йахынлашдыра биләрди?...
Исраилин сийаси кулуарларында ҝәзән сөз-сөһбәтләрә ҝөрә, Ермәнистанын йени спикери Галуст Саакйан бу өлкәйә мәхфи шәкилдә баш чәкиб (вести.аз). Ән мараглысы одур ки, сәфәрин реаллашмасы барәдә һеч бир рәсми тәсдиг тапмаг мүмкүн олмайыб. Нә Исраил Кнессетинин сайтында, нә дә бу өлкә КИВ-ләриндә сәфәр барәдә хәбәр ҝетмәйиб. Елә ермәни мәтбуатында да бу һагда һеч нә йазылмайыб.
Бунунла белә, “Вестник Кавгаз”ын әмәкдашы олдугҹа билҝили мәнбәләрдән зийарәт һагда информасийа әлдә едиб. Мәнбә иддиа едир ки, Саакйан, һәр һалда, Исраилин ән али рәһбәрлийинә аид олан шәхсләрлә бир арайа ҝәлә билиб. Ҝөрүшләрдә әсасән ики мәсәлә мүзакирә едилиб: биринҹи мәсәлә уйдурма сойгырымын 100-ҹү иллийинәдәк сахта ҝеносидин Исраил тәрәфиндән танынмасы мүмкүнлүйү, икинҹиси исә Исраиллә Азәрбайҹан арасында һәрби әмәкдашлыг мәсәләси.
Гейд едәк ки, Исраилин сийаси вә дипломатик даирәләриндә Саакйанын сәфәрини нәинки шәрһ еләмирләр, үмумиййәтлә, бу мөвзуда данышмагдан имтина едирләр.
Ону да вурғуламаг йеринә дүшәр ки, сон вахтлар Исраил тәрәфиндән уйдурма мәсәләнин танынмасы тәрәфдарларынын мөвгейи әһәмиййәтли шәкилдә ҝүҹләниб. Сәбәб йалнызҹа Түркийә илә сийаси-дипломатик мүнасибәтләрин һәлә дә гайдасына дүшмәмәси дейил. Иш ондадыр ки, Исраилин йени президенти Рейвен Ривлин өз сәләфи, бу мәсәләдә даим өлкәсинин максимум еһтийатлы мөвге тутмасыны ваҹиб саймыш Шимон Пересдән фәргли олараг ачыг шәкилдә белә аддыма ҝедилмәсини дәстәкләйир. Кнессетин спикери Јулий Еделштейнин вә хариҹи ишләр назиринин мүавини, хариҹи ишләр вә мүдафиә комиссийасынын сәдри Зеев Елкинин дә онунла ейни мөвгедә олдуғу дейилир.
Елкин әввәлләр дә парламентин Тәһсил комиссийасы чәрчивәсиндә сахта сойгырымын таныдылмасына ҹәһдләр едиб. Лакин о заман она билдирилмишди ки, бу мәсәлә хариҹи ишләр вә мүдафиә мәсәләләри үзрә комиссийанын сәлаһиййәтләринә дахилдир. Инди исә өзү һәмин комиссийанын сәдридир ки, бу да онун имканларыны хейли артырыр.
Елкинин мәсәләни комиссийанын мүзакирәсинә чыхараҹағы еһтималы “Евимиз Исраилдир” партийасынын лидери Авигдо Либерманын бәйанатындан сонра даһа да артыб. Бәйанатда партийанын һаким Ликуд Партийасы илә коалисийадан чыхдығы вә парламентдә айрыҹа фраксийа шәклиндә фәалиййәт ҝөстәрәҹәйи билдирилир. Буна гәдәр мәһз Либерманын партийасы гондарма мәсәләнин ҝүндәлийә салынмасынын ән сәрт әлейһдарлары кими чыхыш едибләр...
Әлбәттә ки, сийасәтдә һеч вахт әбәди достлар, мүттәфигләр олмур. Даими мараглар олур. О сырада Исраил истисна тәшкил еләмир. Факт будур ки, Исраиллә Азәрбайҹан арасында стратежи әһәмиййәтли бир чох саһәләрдә, о ҹүмләдән һәрби-техники сферада илдән-илә ҝенишләнән әмәкдашлыг дүшмән өлкәни һәмишә нараһат едиб. Елә тәкҹә һәрби саһәдә әмәкдашлыг милйардларла доллар һәҹминдә өлчүлүр. Силаһ тиҹарәтиндә Бакы-Тәл-Әвив әлагәләри о дәрәҹәдә инкишаф едиб ки, һәтта бу йахынларда Исраилин ән мүасир силаһларыны Русийайа, Чинә вермәкдән имтина едәрәк мәһз Азәрбайҹана сатдығы барәдә Исраил мәнбәләриндән бири мәлумат йаймышды.
Ики өлкә арасында йахынлыг игтисади-тиҹари, техноложи, тибби сфераларда да инкишаф тапыб. Азәрбайҹанлы олигархларын бәзиләринин Исраилдә бөйүк бизнесинин олдуғу да сирр дейил. Исраил һабелә, Бакы-Ҹейһан нефтинин алыҹыларындандыр. Әлагәләр бунунла да битмир. Бәзи мәлуматлара ҝөрә, ики өлкә рәһбәрлийи арасында етимад о гәдәр ҝүҹлүдүр ки, һәтта Исраил хүсуси хидмәти Азәрбайҹанын дөвләт рәһбәрлийинин мүһафизәсинин тәшкилиндә мүәййән формада иштирак едир. Үмумиййәтлә, ики дөвләтин ҝизли сервисләринин йетәринҹә сынхрон ишләдийи һагда билҝиләр мөвҹуддур.
Тәбии ки, белә йахынлыг Ирәваны, ермәни лоббисини даим нараһат едиб вә едир. Ермәни тәрәф бу Бакы-Тәл Әвив әмәкдашлығыны һәм дә Азәрбайҹанын дүнйадакы ҝүҹлү йәһуди лоббисинә чыхышы, гардаш Түркийәнин мөвгейинин ҝүҹләнмәси бахымындан өз марагларына тәһлүкә һесаб еләмәкдәдир. Ейни заманда гондарма “ермәни сойгырымы”нын таныдылмасы йолунда һаглы олараг буну ҹидди әнҝәлләрдән бири сайыр.
Инди белә чыхыр, дүшмән өлкә Азәрбайҹана, демәли, һәм дә Түркийәйә гаршы Исраиллә сепарат иш бирлийиндәдир. Мараглыдыр ки, Саакйанын сәфәри барәдә информасийалар мәһз Исраилин ермәнипәрәст йени президентинин сечилмәсиндән сонра дөвриййәйә чыхыб. Бу да хәбәрин мөтәбәрлийини артыран мүһүм деталлардандыр.
Бәс Ирәван-Тәл Әвив сепарат йахынлығы, йахуд бу йахынлығын имитасийасы Исраилә Түркийәнин мүвәггәти тәһдидиндән савайы һансы дивидент ҝәтирә биләр? Касыб, һеч бир игтисади өнәм кәсб етмәйән, тамамилә Русийанын овуҹу ичиндә олан ишғалчы бир өлкәйә ҝөрә варлы, мүсәлман дүнйасынын өнәмли дөвләтләриндән олан Азәрбайҹанла әлагәләрә хал салмаға, милйардлар итирмәйә дәйәрми?
Сыраланан суаллара йәгин ки, Исраил тәрәфинин һансыса реаксийасы олаҹаг. Ҝөзләйәк. Реаксийа олмайаҹагса, сусгунлуғу разылыг әламәти, дейиләнләр исә доғру саймалы олаҹағыг.
Musavat.com
Диггәт: Хәбәрдән истифадә етдикдә мәнбәйә истинад лазымдыр
