Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Түрк, сионист режими, Гәрб өлкәләри, АБШ вә Әрәб бирликләри тәрәфиндән Суријада дахили мүһарибәнин аловландырылмасы мәгсәди илә дүнјанын дөрд бир тәрәфиндән ҝәтиздирилмиш азғын “сәләфи”- “тәкфирчи” үнсүрләри һәтта өз һәмсәнҝәрләринә белә рәһм етмирләр. Белә ки, гондарма “Ираг вә Шам Ислам Дөвләти” (ИШИД) адлы террорчу груплашманын үзвләри силаһдашлары олан “Әһраруш Шам” (Шам Азадәләри) адлы диҝәр јараглы груплашманын үнсүрләриндән бирини әсир тутараг башыны гојун кими кәсибләр.
Идлиб рајонунун Гәләмун мәнтәгәсиндә әсир тутулмуш азғын “Әһраруш Шам” тәкфирчи үнсүрләринин топ вә ракетчи бөлүмүнүн командири Мәснал Һүсејн, јараглы “ИШИД” груплашмасы тәрәфиндән Гәләмун мәнтәгәсиндәҹә башы кәсиләрәк едам едилиб.
Билдирәк ки, Әбул Мигдам Сирагби ләгәби илә танынан Мәснал Һүсејн, Грантамјот васитәси илә Сурија Милли Ордусунун танкларыны сәрраст нишан алмаг мәһарәтинә малик олдуғу үчүн “Танк Овчусу” ады илә мәһшур иди.
Гејд едәк ки, гондарма “Ираг вә Шам Ислам Дөвләти” адлы азғын “тәкфирчи” үнсүрләр өз һәмсәнҝәрләрини мүшрик адландырараг, азғын “Әһраруш Шам” тәкфирчи груплашмасынын командири Әбул Мигдамын башыны кәсдикдән сонра шәкилини хәбәр сајтларында јајымлајыблар. “Әһраруш Шам” террорчу груплашманын командири олан Әби Әбдиллаһ Һимәви ләгәби илә танынан Һисан Әбуд исә Әбул Мигдама бөјүк шәһид (!) адыны вериб.
АБНА- Хәбәр Аҝентлији
Диггәт: Хәбәрдән истифадә етдикдә мәнбәјә истинад лазымдыр
