Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән,
Иранын Гәрблә нүвә мүзакирәләри командасынын кечмиш үзвү Ислам Ингилабынын Бөjүк Рәһбәринин нүвә силаһларынын һарам олмасы үзрә фитвасынын беjнәлхалг аләмдә бөjүк рәғбәтлә гаршыландығыны билдириб.
ИРНА-нын вердиjи мәлумата ҝөрә сеjид Һәсән Мусәвиjан Әл-Шәрг Әл-Әвсәт гәзетиндә jаздығы мәгаләдә Ислам Ингилабынын Бөjүк Рәһбәри Һәзрәт Аjәтуллаһ Әл-Үзма Хаменинин нүвә силаһларындан истифадәнин һарам олмасы үзрә фитвасынын дүнjа халглары тәрәфиндән ҝениш шәкилдә бәjәнәлдиjини билдирәрәк бу фитванын беjнәлхалг бир сәнәдә чевриләҹәjиндән хәбәр вериб.
ИИР-нин нүвә силаһлары вә башга күтләви гырғын силаһларындан истифадәнин мән едилмәси үзрә мөвгеjи там ачыг шәкилдә Ислам Ингилабынын Бөjүк Рәһбәринин фитвасында бәjан едилибдир.
Ислам Ингилабынын Бөjүк Рәһбәринин фитвасында белә билдирилиб: Иран Ислам Республикасы мәнтиги, мәзһәби вә әгидәви бахымдан нүвә силаһына малик олмағы ҝүнаһи-кәбирә (бөjүк ҝүнаһ) билир вә белә инаныр ки бу силаһларын ҝенишләндирилмәси фаjдасыз, дағыдыҹы вә тәһлүкәлидир.
Диггәт: Хәбәрдән истифадә етдикдә мәнбәjә истинад лазымдыр
Теһран Радиосу
