Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Тһе Даилj Постун jаздығы хәбәрә ҝөрә Флорида әjаләтиндәки республика партиjасы үзвләриндән олан АБШ сенатору Алан Һаjес, мәктәб китабларындан Ислам һаггындакы һәр бир мәлуматын jиғышдырылмасыны истәjиб.
Алан Һаjес, мәктәб китабларында Ислам һаггында верилмиш олан мәлуматларын ушагларын башыны гарышдырдығыны вә сағламлыгларынын поздуғуну иддиа едиб. Буна ҝөрә чыхарылаҹаг бир ганун илә Исламла әлагәдар бүтүн мәлуматларын дәрс китабларындан чыхарылмасынын лазым олдуғуну сөjләjиб.
Онун бу ачыгламасы Флорида әjаләтиндә "Мүсәлманларла Мүбаризә" адында бир ҹәмиjjәтин гурулмасына сәбәб олуб. Бу ҹәмиjjәт тәрәфиндән кечирилән бир кампаниjа илә мәктәбләрдә тарих китабларынын бир чох сәһифәсини Ислам һаггындакы мәлуматларын ишғал етдиjини вурғулаjараг бу дәрсликләрин jиғышдырылмасы үчүн лазымлы гануни тәнзимләмәнин едилмәсини истәjиб.
Бу ачыгламадан сонра бир чох шаҝирдин валидеjни Ислам дининин диҝәр динләрә гаршы олдуғуну вә дәрс китабларында ҝениш шәкилдә Исламдан данышылмасынын доғру олмадығыны сөjләjиб.Мүәллимләр һәмчинин ушаглардан китабларында олан Ислам һаггында мәлуматлары сәһифәләриндән ҹырыб атмаларыны истәjибләр.
Флорида әjаләтиндәки валидеjн вә гәjjумлуг дәрнәjи бу әjаләтдә Ислам әлеjһдарлығы илә иргчилиjин ҝүндәмә ҝәтирилмәсиндән дәрин нараһатлыг һисси кечирдикләрини дилә ҝәтирибләр.
Диггәт: Хәбәрдән истифадә етдикдә мәнбәjә истинад лазымдыр
Cenubnews.com
