Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjада гаршыдурмалар jарадан азғын “вәһһаби” jараглылары, Һәләб әjаләтиндә Шиәләрин компакт jашадыглары Нубул вә Зәһра шәһәрләрини мүхтәлиф ракет вә силаһ нөвләри илә һәдәфә алыблар.
Силаһсыз динҹ сакинләрин jашаjыш евләрини һәдәфә алан ракет һүҹумлары нәтиҹәсиндә Нубул шәһәринин ҹәнуб бөлҝәсиндәки jашаjыш мәнзилләринә хеjли саjда мадди хәсарәтләр дәjиб. Шәһид олан вә хәсарәт аланлар вардыр. Шәһидләрин исә әксәриjjәтини көрпә вә азjашлылар тәшкил едир.
Геjд едәк ки, Нубул вә Зәһра шәһәрләри сон өтән һәфтәләр әрзиндә гондарма “Ираг вә Шам Ислам Дөвләти”, “нүсрә” адлы азғын “сәләфи” террорчу груплашмаларынын давамлы ракет һүҹумларына мәруз галыб. Буна jеҝанә сәсбәб исә һәр ики Гәсәбә сакинләринин Әһли Беjт (әлеjһимус сәлам) Мәктәбинин давамчылары олмасыдыр.
Хатырладаг ки, Нубул вә Зәһра шәһәрләри бир илдән артыг азғын “тәкфирчи- сәләфи” jараглылары тәрәфиндән мүһасирәдә галараг мүхтәлиф әзаб вә әзиjjәтләрә дөзүб дүшмән гүввәләринә тәслим олмадыглары үчүн Суриjанын Мүгавимәт Символуна чеврилиб. Геjд олунан шәһәрләрдә 55- 60 мин Шиәнин jашадығы билдирилир.
Билдирәк ки, террорчуларын бу нөв вәһшиликләри бир даһа сүбута jетирир ки, Суриjада мөвҹуд һакимиjjәтә гаршы дөjүшән азғын вәһабил үнсүрләрин мүһарибә етмәкдән мәгсәдләри, jалныз вә jалныз Ислам Үммәти дахилиндә Сүнни-Шиә савашыны аловландырмагдыр...
1 аjдан аз jашы олан Јәсан Султан Зәjjат адлы гыз ушағы
Диггәт: Хәбәрдән истифадә етдикдә мәнбәjә истинад лазымдыр
