Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назиринин беjнәлхалг вә һүгуги мәсәләләр үзрә мүавини, баш нүвә мүзакирәчиси Сеjид Аббас Әрагчы билдириб: “Иран Ислам Республикас илә “алтылыг” өлкәләри арасындакы нөвбәти нүвә мүзакирәләри февралда Ҹеневрәдә кечириләҹәк”.
Онун сөзләринә ҝөрә, тәрәфләр арасында данышыгларын илк раундунун февралын орталарындан ахырларынадәк олан бир мүддәт ичәрисиндә кечирилмәси планлашдырылыр: “Нөвбәти данышыгларда әсас мүзакирә мәсәләләриндән бири Әрак ағыр су нүвә реактору олаҹаг. Иран бу нүвә реактору илә бағлы мөвҹуд нараһатлыглары арадан галдырмаға һазырдыр. Әрак ағыр су нүвә реактору башгаларынын jардымы олмадан бизим 30 илдән чох ағыр елми сәjләримизин нәтиҹәсидир. Бу, милли гүрур мәсәләсидир”.
А.Әрагчы деjиб ки, нөвбәти нүвә мүзакирәләрини тәсвир етмәк чәтиндир: “Лакин һәр ики тәрәф үмуми мәгсәдә наил ола билиб. Она ҝөрә мән чәтин олса да, нөвбәти мүзакирәләрдә компромисин әлдә едиләҹәjинә инанырам”.
Геjд едәк ки, бундан әввәл бәзи мәтбу органлар Иранла “алтылыг” өлкәләри арасындакы нөвбәти нүвә мүзакирәләринин АБШ-ын Нjу-Јорк шәһәриндә кечириләҹәjи барәдә мәлумат jаjыблар.
Диггәт: Хәбәрдән истифадә етдикдә мәнбәjә истинад лазымдыр
