Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Имам Хаменеи ҹәнабларынын беjнәлхалг ишләри үзрә баш мүшавири Әли Әклбәр Вилаjәти Фарс хәбәр аҝентлиjинин мүхбири илә сөһбәтиндә иргчи-апартеид режимә гаршы Африка рәһбәри Нелсон Манделанын өлүмүнә тохунараг, онун Ҹәнуби Африка әһалисинин азадлыг уғрунда вә мүстәмләчиликлә мүбаризәсиндә хүсуси jери олдуғуну билдириб.
Әли Әкбәр Вилаjәти даһа сонра деjиб: “Иргчиликлә мүбаризәдә Мандела әһәмиjjәтли вә унудулмаз ишләр ҝөрдү. Онун фикирләринин, зәһмәтләринин саjәсиндә Ҹәнуби Африка мәнтәгәнин мүһүм өлкәләриндән биринә чевирилди вә беjнәлхалг әлагәләрдә өз ролуну оjнады”.
Нелсон Мандела илә Иран Ислам Республикасы арасында сәмими вә jахын рабитәнин олдуғуну деjән Доктор Вилаjәти, бир хатирәjә ишарә едәрәк деjиб: “Манделанын азадлыға чыхмасындан сонра вә президент сечилмәмишдән өнҹә илк сәфәр етдиjи өлкә Иран Ислам Республикасы олду. Һәмин сәфәрдә Али Мәгамлы Рәһбәрлә ҝөрүшдү. Бу ҝөрүш заманы баш верән мараглы нөктәләрдән бири дә Манделанын Рәһбәрә дәфәләрлә “мәним рәһбәрим” деjә мүраҹиәт етмәси иди”.
Үмумдүнjа Мүсәлманларынын Али Дини Лидери Аjәтуллаһ Хаменеи ҹәнабларынын беjнәлхалг ишләр үзрә али мүшавири Доктор Әли Әкбәр Вилаjәти даһа сонра билдириб: “Онун истәр азадлыгдан сонракы мүбаризә дөврүндә, истәр президентлик дөврүндә Иран Ислам Республикасы илә чох сәмим рабитәси вар иди. О, Ислам Ингилабин Бөjүк Рәһбәринә хүсуси севҝи сәрҝиләjирди.
Мандела бүтүн Африка вә үчүнҹү дүнjада дәjәрли ишләр ҝөрмүш бөjүк шәхсиjjәт иди. О бүтүн тәзjигләр вә баjкотлара бахмаjараг Иран Ислам Республикасы илә олан рабитәсини ҹидди шәкилдә горуду”.
Диггәт: Хәбәрдән истифадә етдикдә мәнбәjә истинад лазымдыр
