Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, бу ҝүн, 21 ноjабр, 2013 тарихдә, Сәуди Әрәбистанын Ирагла сәрһәд мәнтәгәсиндә jерләшән һәрби базаjа бир нечә ракет һүҹуму олуб. Ирагда jаранан Ҹеjшул Мухтар Тәшкилатынын Рәһбәри Васиг Бәтат медиа васитәси иыә бәjанат jаjымлаjараг һадисәнин мәсулиjjәтини өз өһдәсинә ҝөтүрүб. О билдириб ки, бу әмәлиjjат Әрәбистан тәкфирҹи алимҹығазларын вердикләри фәтваjа ҹаваб олараг һәjата кечирилиб.
Билдирәк ки, бу ҝүн Әрәбистанын әл-Әрәбиjjә ТВ каналы мәлумат jаjараг билдириб: “Сәуди Әрәбистанын Ираг вә Кувеjт сәрһәдләри jахынлығында jерләшән һәрби базалары 6 әдәд миламиjот мәрмиси илә вурулуб. Өлән вә jараланан jохдур”.
Ҹеjшул Мухтар Тәшкилатынын Рәһбәри һәмчинин Сәуди Әрәбистан дахилиндә дә һәрби әмәлиjjатлар апараҹагларыны билдирибләр.
Васиг Бәтат медиа гаршысында вердиjи мүсаһибәдә даһа сонра билдириб: “Ҹеjшул Мухтар дөjүшчүләринин һәjата кечиртдикләри бу әмәлиjjат, тәкфирчи алимләрин вердикләри фәтваjа, мәзһәбләр арасы мүһарибәни аловландыранлара һәмчинин Шиәни “мәҹус” адландырараг онларын ганларыны һалал биләнләрә ҹаваб олараг иҹра олунуб”.
Ҹеjшул Мухтар Тәшкилатынын Рәһбәри даһа сонра тәкид едәрәк билдириб: “Биринҹи пеjғамымыз хәбәрдарлыг пеjғамы иди. Әҝәр бир даһа тәкфирчи алимләр белә фәтвалар верәрләрсә, һәмчинин мәзһәбләр арасы гаршыдурмаjа ҹәһд ҝөстәрәрләрсә, Әрәбистан торпагларында силаһллы әмәлиjjатларын һәjата кечирилмәсинин шаһиди олаҹагсыныз”.
Диггәт: Хәбәрдән истифадә етдикдә мәнбәjә истинад лазымдыр
