Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Хариҹи Ишләр Назирлиjи ноjабрын 6-да Тәбриздә кечирилмәси планлашдырылан Беjнәлхалг Гарабағ конфрансынын тәхирә салынмасына мүнасибәт билдириб.
ИИР Хариҹи Ишләр Назирлиjинин сөзчүсү Мәрзиjә Әфхәм бу ҝүн jерли вә хариҹи журналистләр үчүн кечирдиjи мәтбуат конфрансында деjиб ки, белә бир конфрансын кечирилмәсинин тәшәббүскары бир геjри-һөкумәт тәшкилаты олуб: “Анҹаг Азәрбаjҹан һөкумәти бу мәсәләдән хәбәрдар олдугдан сонра етиразыны билдирди. Она ҝөрә дә конфранс һәмин тәшкилатчы гурум тәрәфиндән тәхирә салынды”.
Геjд едәк ки, Беjнәлхалг Гарабағ Конфрансынын елми комитәси вә катиблиjи Азәрбаjҹан Республикасы һөкумәтинин бу конфрансын Тәбриздә кечирилмәсинә гаршы чыхмасындан тәәссүфләндиjини билдириб.
2013-ҹү ил 26 иjунда Тәбриз Университетиндә бу конфрансын еланын үзрә тәгдимат мәрасиминин кечирилмәси илә jанашы бу конфранс Азәрбаjҹан Республикасынын Гарабағ халг тәшкилатлары мәсул шәхсләринин иштиракы илә кечирилди вә дахили вә хариҹи, хүсусилә Азәрбаjҹан Республикасынын медиалары, елми мәркәзләри вә университетләри тәрәфиндән лаjигли шәкилдә мүсбәт гаршыланды. Белә ки, тәjин олунмуш заман графикасында Иран, Азәрбаjҹан Республикасы, Русиjа вә Түркиjә университетләриндән 150-дән чох мәгалә конфрансын елми комитәсинә ҝөндәрилди вә мүнсифләр һеjәти тәрәфиндән арашдырылды.
Бу билдиришдә тәәссүф ифадә олунур ки, бир нечә ҝүн өнҹә Азәрбаjҹан Республикасынын аз саjда медиасы Гарабағын ишғалынын давам етмәсинин тәрәфдары олан даирәләрин тәсири алтында бу конфрансын мәгсәдләри барәсиндә гара пиjара әл атдылар. Диҝәр тәрәфдән Азәрбаjҹан Республикасынын Гарабағ Азадлыг Тәшкилатынын бәзи мәсул шәхсләри 2013-ҹү ил 28 октjабрда Азәрбаjҹан дилли Саламнеwс саjы вә бир нечә диҝәр саjтларла мүсаһибәдә Азәрбаjҹан Республикасынын кимлиjи бәлли олмаjан мәмурларынын Тәбриздә Беjнәлхалг Гарабағ Конфрансынын азәрбаjҹанлы гонагларына гаршы тәһдидләринин башландығыны билдириб вә әлавә едибләр ки, геjд олунан мәмурлар деjибләр ки, сизин бу конфранса ҝетмәк һаггыныз jохдур!!
Тәбриздә Беjнәлхалг Гарабағ Конфрансынын катиблиjи вә елми комитәси әлавә едиб: Јухарыда геjд олунан һаллары нәзәрә алараг вә Беjнәлхалг Гарабағ Конфрансынын кечирилмәси илә бағлы Азәрбаjҹан Республикасы Хариҹи Ишләр Назирлиjинин ҝөзләнилмәjән гәдрини билмәмәк һәрәкәтинә реаксиjа олараг, ишғалчылығы писләмәк, мүсәлман Азәрбаjҹан Республикасынын әрази бүтөвлүjү вә истиглалиjjәтини вурғуламагдан башга бир мәгсәди олмаjан вә мүсәлман халгы тәрәфиндән там мүсбәт гаршыланан конфрансын кечирилмәси өз дахили марағынын әксинә олараг һәләлик тәхирә салыныр.
Диггәт: Хәбәрдән истифадә етдикдә мәнбәjә истинад лазымдыр
