Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Мүбариз Руһани Һаҹы Тале Бағыровун нөвбәти мәһкәмәси Сабунчу раjон мәһкәмәсиндә бу ҝүн 14:00-да кечирилиб.
Тале Бағыровун тарихи чыхышы...
Һаҹы Тале Бағыров дүнjада инсанларын, имтаһан вердиjини өнә чкәрәк деjиб “Аллаһ бизи имтаһан едир. Халгымыза ҝөрә, ҝәнҹләримизә ҝөрә, биз мүбаризәмизи давам етдиририк. Бу бизим шәрәф тарихимиздир. Биз һәбсимиздән нараһат деjилик. Онлар дүнjаны итирмәк үчүн нараһатдырлар. Виллаларына ҝөрә, дүнjа малына ҝөрә нараһатдылар. Бизим архамызда Аллаһ дуруб. Һәдис вар Аллаһ залымларын ағлыны әлиндән алар. Бу ҝүн мәһкәмәләрдә ҝөрүрсүнүз ки, неҹә чашбаш галыблар. Бу һакимиjjәт ҝетмәлидир. Дәjәрләримиз арадан ҝедир. Рәшадәтин бабасы мүәллим иди, ону нә һәддә чатдырдылар өзүнү доғрады. Диндар Камран Сеjидову ҝөтүрәк, о тәjзигләрә дөзмәjәрәк өзүнү асыб. Һаҹы иди, ҝөрүн дәjәрләримиз нә гәдәр арадан ҝедир.Биабырчылыгдыр. Бу ҝүн халг бирләшмәлидир. Исламчысы, демократы бирләшмәлидир. Аллаһ сон һәддә мөминләрин әлиjлә бунларын маскаларыны ҹырды. Артыг динә саташылыр, диндары наркотиклә шәрләjирләр. Диндән истифадә етмәк истәjирләр, Аллаһын изниjлә буна һеч заман jол вермәjәҹәjик, әсл үзләрини ҝөстәрәҹәjик. Ҝәнҹлик артыг оjаныб, буна ҝөрә дә, ҝәнҹләрдән горхурлар. Диндарла геjри-диндар арасында jаратдыглары пәрдә артыг арадан ҝедир. Бу ҝүн дининдән, иргиндән асылы олмаjараг һамы һагг мүбаризәси апармагдадыр. Мән зинданда "нида"чылар вә башга мүхалиф ҝәнҹләрлә ҝөрүшәнә гәдәр онлар һагда фикирләрим фәргли иди. Лакин ҝөрдүм ки, онлар да бу халгын ҝүлләридир, мүбаризләридир".
Тале Бағыров Ҹәмил Һәсәнлидән данышды...
Ҹәмил Һәсәнли екранлардан 9 милjонун гаршысында о сөзләри ки, деди, тарих jазды. О, киши адамдыр. Әввәл тарихи китаблар jазырды, инди исә тарих jазды. Пеjғәмбәримиз дөjүшдә кафирләрлә, һамысын өлдүрдү лакин бирини сахлады. О сорушдугда "ниjә мәни сахладын?" Пеjғәмбәримиз деди ки, Аллаһ сән кафир олсанда сәндәки әхлаг, шүҹаәт вә башга инсани кеjфиjjәтләринә ҝөрә өлдүрүлмәни истәмир. Һәмин кафир исә ҹавабында мән сәнин Аллаһына инанырам деди. Бу ҝүн ишләр инсани дәjәрләр үзәриндә гурулмалыдыр. Дүнән 5-10 ил һәбс истәнилән гардашларла ҝөрүшмүшән. Онлар бир-бирләрини тәбрик едирдиләр. Бу шәрәфли тарихдир. Артыг ҝәнҹлиjи зинданла горхутмаг геjри-мүмкүндүр. Горху олмаjан jердә сағлам дүшүнҹә олур.”
Һаким мүшавирә залындан гаjытдыгдан сонра икинҹи вәсатәти дә рәдд етди.
Прокурор вә Һаҹы Тале Бағыров....
Дөвләт иттиһамҹысы сонра үзүнү руһаниjә тутуб деди: "Тале Бағыров наркотикин сизин олдуғунузу етираф едирсинизми?"
Тале Бағыров: "Хеjр, Истәjирсинизсә, мәнбәсини деjим. Ким гоjуб мәним ҹибимә. Мәнбә Закир Гаралов вә Рамил Усубовдур. Ики назирлик бир jердә мәним барәмдә бәjанат jаjыбар. Чағырын ҝәлсинләр мәнимлә бәрабәр истинтаг ҹәлб едилсинләр. Чағыра билмәссиниз тәбии ки, сизлик деjил."
Дөвләт иттиһамҹысы: "Сизин jаздығыныз вә имза атдығыныз сәнәд вар."
Тале Бағыров: "Мән jазмамышам. Һәмин заман видеоҝөрүнтүләр вар, бахын ҝөрүн мән нәләр демишәм. Өзләри гоjуб мәним ҹибимә."
Шаһидләр ҝәлдиләр вә...
Даһа сонра шаһидләрин диндирилмәси башлады. Илк олараг Сабунчу Раjон Полис Идарәсинин 13-ҹү полис бөлмәсинин рәис мүавини Тәрхан адлы шәхс шаһид кими диндирилди: "Бизә Мәштаға-Нардаран әразисиндә наркотик сахлаjанлар барәдә мәлумат дахил олду. Биз әмәлиjjата башладыг, деjилән саһә шосесиндә “313 “ нөмрәли, "киа" маркалы автомашыны сахладыг. Онлар ики нәфәр иди, Сабунчу Раjон Ҹинаjәт Ахтарыш Ыдарәсинә ҝәтирдик. Һүгуги изаһат алдыг. Түнд ҝөj рәнҝли кастjумун сағ ҹибиндән салафана бүкүлмүш наркотик ашкар едилди. О, наркотик истифадә етмәдиjини, Ағсудан танымадығы бириндән алдығы наркотики Нардаран-Мәштағада әзиjjәт чәкәнләрә верәҹәjини билдирди."
Дөвләт иттиһамҹысы:
- Тале Бағырову әввәлҹәдән таныjырсыныз?
Шаһид-рәис мүавини:
- Хеjр
Дөвләт иттиһамҹысы:
- Шәхси әдавәтиниз олуб?
Шаһид-рәис мүавини:
- Хеjр
Дөвләт иттиһамҹысы:
- Она тәjзиг етмисиниз?
Шаһид-рәис мүавини:
- Хеjр, О өзү изаһатында етираф едиб.
Вәкил:
- Рапорт jазылы олуб, jоха шифаһи ?
Шаһид-рәис мүавини:
- Чохдан олдуғуна ҝөрә дәгиг jадымда деjил, jазылы олуб jәгинки.
Вәкил:
- Рапорт китабда геjдә алыныб? Алынмаjыбса ниjә?
Шаһид-рәис мүавини:
- О, бизим ишимиз деjил.
Вәкил:
- Сиз нечә илдир ишләjирсиниз?
Шаһид-рәис мүавини:
- 3-4 илдир
Тале Бағыров шаһидә:
- Бу гәдәр адам вар бурда, анд ички jалан деjирсәнсә шәрәфсизсән...
Икинҹи шаһид Самир Һәсәнов диндирилир. О Сабунчу Раjон Ҹинаjәт Ахтарыш Ыдарәсинин ишчисидир. Самир Һәсәновда әмәлиjjат барәдә тәгрибән биринҹи шаһидин дедикләрини данышды. Дөвләт иттиһамчысынын вә вәкилләрин суалларыны ҹавабландырды. Наркотикин Тале Бағыровун кастjумунун сағ ҹибиндә олдуғуну билдирди.
Тале Бағыров шаһидә үзүнү тутараг деjир:
- Ордада демишдим, сәнин рәфтарларын фәргләнирди. Мәсләһәтим, бу ҹинаjәткарлардан узаглаш. Гошулма.
Експерт...
Даһа сонра 3-ҹү шаһид кими ҹинаjәт ахтарыш шөбәсинин експерти Јадулла адлы шәхсин дедикләри диҝәр шаһидләрин дедикләриjлә еjни олду. Мәһкәмә заманы 2 һал шаһиди дә диндирилди.
Һал шаһидләри...
Руслан Һәшимов :Изаһатда jаздыглары тәсдигләдиjини, һәмин ҝүн гардашынын шәхсиjjәт вәсигәси барәдә марагланмаг үчүн паспортстола ҝетдиjини, орадан һал шаһиди кими дәвәт олундуғуну билдирди. О Тале Бағыровун үзәриндән телефон, саат вә кастjумунун сағ ҹибиндән салафана бүкүлмүш наркотик чыхардығына шаһид олдуғуну деди.
Диҝәр һал шаһиди Бәхтиjар Еjвазов диндирилди. О, пенсиjа алмаг үчүн jолнан ҝедәркән 2 полис тәрәфиндән һал шаһиди кими дәвәт едилдиjини вә ҝөрдүкләрини данышаҹағыны сөjләди. Мән дахил оланда телефон столун үстүндә иди. Наркотик васитәнин Тале Бағыровун кастjумунун сағ ҹибиндән чыхардығыны билдирди.
Тале Бағыров: Сәнин ҝөрдүкләрин бунлардыр, башга бир шеj билмирсәнки?
- Хеjр билмирәм
Тале Бағыров:
- Ҹәнаб һаким нәзәрә алын, онун изаһатында jазылан Ағсудан алынмасы кими ифадәләр өзүнүн деjил, ҝөрдүjүнүз кими о өзүдә тәсдигләjир.
Һалшаһиди мәним дедикләрим jадындадырмы?
- Хеjли вахт кечиб хатырламырам.
Тале Бағыров:
- Мән онлара деjирдим ки, ҹибимә өзүнүз гоjмусунуз. Сонрада чыхардыбсыныз. Мәнә ишҝәнҹә едәнләр рәис Әдаләт вә мүавини Әбүлфәт иди.
Вәкилин ифшасы...
Вәкил Анар Гасымлы:
"Рәсми иттиһама ве протоколлара әсасән наркотик васитә Һаҹынын шалварынын ҹибиндән тапылыб. Шаһидләрин вә һалшаһидләринин һамысынын ифадәләри исә наркотикин онун костjумунун ҹибиндә олдуғу иди. Мүвәккилимиз ишинә хитам верилмәси барәдә вәсатәт галдырырам. Чүнки она гаршы сүрүлән иддиа шалварынын ҹибиндә олмасы иди, бу исә тәстигләнмәди. Фактики сүбута jетирилмәди."
Дөвләт иттиһамчысы исә ишин маһиjjәтинин еjни олдуғуну, техники сәһв ҝетдиjини деjәрәк етираз етди.
Даһа сонра дөвләт иттиһамчысы чыхыш едәрәк, Тале Бағырова 3 ил һәбс истәди.
Вәкилләр чыхыш үчүн вахт башга ҝүн истәмәдикләрини, бунда мәна ҝөрмәдикләрини билдирдиләр.
Онлар мәһкәмәнин әдаләтсиз апарылдығыны, вәсатәтләрин тәмин едилмәдиjини, истинтагын бурда тәдгиг едилмәдиjини, наркотикин үзәриндә әл изинин олмадығыны мисал ҝәтирдиләр.
Вәкил Анар Гасымлы:
" Инсан Аллаһын шаһ әсәридир. Тале Бағырову кечмиш мәһкәмәсиндән таныjырам. О шәрәфли кишидир. Онун бу маддәjлә иттиһамы абсурддур. Бурда инсан талеjи һәлл олунур. Гәрар верәндә әдаләтли олун, бир ҝүн гиjамәтдә бунларын әвәзинин олаҹағыны унутмаjын."
Тарихә дүшән нәсиһәт...
Тале Бағыров үзүнү һакимә тутараг: “Һакимлик мүгәддәс пешәдир. Әһәмиjjәтлидир. Әсл һаким Аллаһдыр. Сизин өзүнүз үчүн деjирәм, гәрар верәндә дүшүнүн. Сизин бир аддымыныз әбәди бәдбәхтчилиjинизә сәбәб ола биләр. Гәрар верәндә өвладларынызы дүшүнүн. Мән гарғыш етмәjәҹәм. Лакин нечә-нечә ана баҹыларын әлләри дуададыр инди, онларын бәддуаларыны дүшүнүн. Демирәм мәнә бәраәт вер. Сәнлик деjил, сифаришдир. Сән садәҹә мәним ишимдән имтина ет. Бу гәдәр инсан ҝәлир мәһкәмәләрә, бу виҹдан мәсәләсидир. Сиз деjәнмәзсиниз мәнлик деjил. Ахирәтинизи дүшүнүн. Мәнә фәрги jохдур зиндан jа азадлыг. Горхумуз jалныз Аллаһдандыр."
Даһа сонра дөвләт иттиһамчысы чыхыш едәрәк, Тале Бағырова 3 ил иш истәди.
Һаким Самир Әлиjев мүшавирә залына jолланды.
Һаҹы Тале: "Бизим мәктәбимиз вар"
Тале Бағыров сонра jенә данышды: "Һәзрәти Мусеjи Казимә (ә) суал едирләр. Сизми үстүнсүнүз зиндан һәjатында jохса Һәзрәти Јусиф (ә)? Имам ҹаваб верир ки, Мән, чүнки Һзәрәти Јусиф зиндандан чыхмаг үчүн хәбәр ҝөндәрди. Лакин мән һеч бир хәбәр ҝөндәрмәдим. Имамымыз бизә зинданы баша салыр. Бизим мәктәбимиз вар. Имам Әли(ә) Мүавиjәjлә дөjүшү заманы ҝәлиб деjирләр ки, Мүавиjә өлдү. Имам буjурур ки, о өлмәjиб, мәндән сонра һакимиjjәтә ҝәләҹәк. Имама деjирләрки "онда биз ниjә дөjүшүрүк". Имам буjурур ки, бу бизим вәзифәмиздир, залымла мүбаризә апармаг вәзифәмиздир. Биздә вәзифәмизи биләк. Вәзифә далыjҹа ҝедәк. Ниjә сусурсан, ниjә горхурсан. Сәнин арханда Аллаһ вар. Бу аjлар әрзинд
