Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Авропада jашаjан вә авропа вәтәндашы олан, Азәрбаjҹан Халг Ҹумһуриjjәтинин илк Азадлыг илләриндәки мүһүм амилләрдән бири саjылан, Азәрбаjҹан Республикасынын Мүдафиә Назири мүавини вәзифәсиндә чалышан, Рус һәрби дивизиjаларыны Азәрбаjҹан Республикасындан, хүсусән дә Талыш бөлҝәсиндән чыхардан Әликрам Һүммәтовун Ирәвана сәфәрини Азәрбаjҹанда сатгынлыг вә нанкорлуг кими гәләмә верән әлиjевләр сүлаләси, инди дә Әләикрам Һүммәтова үнванладыглары адларын һаммысыны ҝериjә, өзләринә ҝөтүрәрәк, Ермәнистана “Азәрбаjҹан Авропа Һәрәкаты” чәрчивәсиндә сәфәр едибләр.
Әлдә олунан мәлуматларда билдирилир ки, “Азәрбаjҹан Авропа Һәрәкаты”нын президенти Рамин Һаҹылы вә һәрәкатын сүлһ гуруҹулуғу үзрә експерти Һәмидә Гиjасбәjли Ермәнистанын паjтахты Ирәван шәһәринә сәфәр едиб.
Һәрәкатын мәтбуат хидмәтиндән верилән мәлумата ҝөрә, Беjнәлхалг Авропа Һәрәкатынын тәшәббүсү илә “Дағлыг Гарабағ мүнагишәсинин сүлһ jолу илә һәлл олунмасында вәтәндаш тәшәббүсүнүн артырылмасы” истигамәтиндә тәшкил олунан сәфәр чәрчивәсиндә Ермәнистан Авропа Һәрәкаты вә бир чох гурумларла мүзакирәләр апарылаҹаг.
Сәфәр чәрчивәсиндә ҝөрүшләр 19-20 октjабр тарихләриндә баш тутаҹаг. Сәфәрдә һәмчинин Беjнәлхалг Авропа Һәрәкатынын баш катиби Диоҝо Пинто вә Беjнәлхалг Авропа Һәрәкатынын Сиjаси Комитәсинин нүмаjәндәси ханым Др. Карол Веавер да иштирак едәҹәк.
Сәфәр чәрчивәсиндә Авропа Иттифагынын тәшкилатчылығы илә конфранс, Ермәнистандан олан милләт вәкилләри, танынмыш ГҺТ нүмаjәндәләри илә ҝөрүшләр вә мәтбуат конфрансынын кечирилмәси нәзәрдә тутулуб.
Диггәт: Хәбәрдән истифадә етдикдә мәнбәjә истинад лазымдыр
