Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Иран Ислам Республикасынын Президенти Һөҹҹәтүл Ислам вәл Мүслимин Доктор Һәсән Руһани чәршәнбә ахшамы ҝүнү ҝеҹә, Бирләшмиш Милләтләр Тәшкилатынын Баш Ассамблеjасынын 68-ҹи сессиjасындакы етдиjи мүһүм чыхышында реҝион вә беjнәлхалг гурулушун һазыркы дуруму вә шәраитини дәгиг шәкилдә бәjан едәрәк, дүнjа иҹтимаиjjәтинин гаршысында дуран вәзиjjәтдән чыхмаг истигамәтиндә Иран Ислам Республикасы тәрәфиндән верилән тәклиф вә һәлл jолларыны тәгдим едиб.
Иран Ислам Республикасынын Президенти ҹәнаб Һәсән Руһани чыхыш заманы блдириб: “Дүнjанын мүхтәлиф мәнтәгәләриндә мүһарибә уғрунда фаjдасыз коалисиjа сечими jеринә, бүтүн дүнjада давамлы сүлһ наминә коалисиjа барәдә дүшүнмәк лазымдыр”.
Һөҹҹәтүл Ислам вәл Мүслимин Һ. Руһани ҹәнаблары Гәрбин Иран Ислам Республикасына гаршы тәтбиг етдиjи санксиjаларына ишарә едәрәк, деjиб: “Бу санксиjалар инсан һагларыны, о сырадан сүлһ һаггы, инкишаф һаггы, сәһиjjәjә наилолма һаггы, тәһсил һаггы вә һамыдан даһа ҝениш олан һәjат һаггыны позур. Санксиjаларын нәтиҹәси, һәр ҹүр ифадәләр вә кәлмәләрлә оjнамалара рәғмән, мәһз одла оjнама, милитаризм вә инсанларын мәһв едилмәләридир. Бу од тәкҹә санксиjа гурбанларыны бүрүмүр, һәм дә санксиjа едән ҹәмиjjәтләрин халгларынын игтисадиjjаты вә һәjатларына да хәләл ҝәтирир”.
Ҹәнаб Һ. Руһани һәмчинин Иран Ислам Республикасынын нүвә програмына ишарә едәрәк, сөjләjиб: “Ислам Ингилабынын Бөjүк Рәһбәринин буjурдуглары кими, Иранын тәбии вә гануни һаггыны гәбул етмәк, бу мәсәләнин ән садә һәлл jолудур. Бу, сиjаси бир шүар деjил, әксинә мүштәрәк тәһлүкәсизлик вә анлашмаjа наил олмаг үчүн ортаг мараг вә һәдәфләрә чатмаг зәрурәти вә сыфырын топланмасынын нәтиҹәси илә оjнамалара сон гоjмаг вә беjнәлхалг шәраити вә Иранда технолоҝиjанын вәзиjjәтини дәрин сурәтдә танымаға әсасланыр”.
О, чыхышынын диҝәр бир һиссәсиндә Иран Ислам Республикасы илә Америка арасындакы чәкишмәjә ишарә едәрәк, вурғулаjыб: “Иран диҝәр өлкәләрлә гаршылыглы һөрмәт вә мүштәрәк мараглара әсасланан фаjдалы анлашма ардынҹадыр вә бу чәрчивәдә Америка Бирләшмиш Штатлары илә чәкишмәнин артмасынын да ардынҹа деjил...”
Иран Ислам Республикасынын Президенти буну белә изаһ едиб: “Бу илләрдә ардыҹыл олараг, белә бир гәтиjjәтли сәс ешидилибдир ки; “Мүһарибә сечими маса үзәриндәдир”, лакин бу ҝүн гоjун, бу фаjдасыз вә ганунсуз ифадәнин мүгабилиндә деjим: “Сүлһ әлдә олунасыдыр””.
Прездент әлавә едиб: “Фәләстинин мәзлум халгына едиләнләр структур кобудлугдан башга бир шеj деjил. Фәләстин өлкәси ишғал алтындадыр. Фәләстинлиләрин илкин һүгуглары фаҹиәли сурәтдә позулур вә онлар өз евләринә, доғулдуглары jерләрә ҝери ҝөнмәк вә ана вәтәнләринә чатмагдан мәһрумдурлар”.
Һөҹҹәтүл Ислам вәл Мүслимин ҹәнаб Руһани билдириб ки, Суриjадакы инсан фаҹиәси бизим реҝионда ифратчылыг вә кобудлуғун фаҹиәли сурәтдә ҝенишләнмәсинин кәдәрли бир нүмунәсидир. О, деjиб: “Бөһранын әввәлиндән вә бәзи реҝионал вә беjнәлхалг оjунчуларын силаһ вә кәшфиjjат мәнбәләрини ахыдыб, ифратчы груплары ҝүҹләндирмәклә бу бөһраны һәрбиләшдирмәjә сәj ҝөстәрмәjә чалышдыглары замандан биз вурғуладыг ки, Суриjа бөһранынын һәрби һәлл jолу jохдур”.
Иран Ислам Республикасынын президенти даһа сонар билдириб: “Биз кимjәви силаһдан һәр ҹүр истифадәни писләjәрәк, Суриjа тәрәфиндән Кимjәви Силаһларын Гадағаны Конвенсиjасынын гәбул олунмасыны рәғбәтлә гаршылаjырыг вә инанырыг ки, ифратчы вә террорчу групларын бу силаһлары әлдә етмәләри реҝион гаршысында дуран ән бөjүк тәһлүкәдир вә бу, нәзәрә алынмалыдыр. Еjни заманда, тәһдид вә jа ҝүҹдән ганунсуз вә фаjдасыз истифадә дә, jалныз реҝионда кобудлуг вә бөһранын ҝенишләнмәсинә сәбәб олаҹагдыр”.
Диггәт: Хәбәрдән истифадә етдикдә мәнбәjә истинад лазымдыр
