Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, Суриjанын Шимал мәнтәгәсиндә тикилмиш Фәрат Су Бәнди, өлкәнин ән бөjүк су бәндидир. Бу бәндин архасында, 80 км узунлуғу вә8 км еннилиjи олан Фәрат чаjы даjаныр. әл-Риггә шәһәринин 55 км-дә jерләшән Фәрат Су Бәндинин Ираг дөвләтилә олан сәрһәдлә мәсафәси исә 375 км-дир. Артыг бир илдән чохдур ки, бу бәнд азғын әл-Нүсрә террорчуларынын нәзарәти алтына кечиб.
Суриjа медиjаларынын бидирдиjинә ҝөрә, һүндүрлүjү 60 м, ени 4.5 км олан бәндин әтрафында баш верән дөjүшләр нәтиҹәсиндә, Фәрат Су Бәндинә ҹидди хәсарәтләр дәjмиш вә jахын заманларда бу су бәндинин дағылмаг еһтималы ҝүҹлүдүр. Әҝәр бу хоша ҝәлмәз һадисә баш верәрсә, минләрлә, бәлкә дә милjонларла вәтәндашларын һәjаты тәһлүкә алтына дүшүр. Учурум заманы һәтта Ираг дөвләтинә дә бөjүк мадди вә мәнәви хәсарәтләр дәjәҹәки истисна едилмир.
Су Бәндләринин вә инфраструктур тәсисатларынын мүтәхәссисләри рапорт верәрәк билдирибләр ки, әлдә олунан сәнәдләрә әсасән, Фәрат, һәмчинин әл-Бәс Су Бәнди диварларында олдугҹа хәтәрли jарыглар әмәлә ҝәлиб.
Мүтәхәссисләр, Беjнәлхалг Тәшкилатлара, адиjатлы органлара мүраҹиәт едәрәк, дүзәлмәси мүмкүн олмаjан хәсарәтин гаршысыны тез бир заманда алмагдан өтрү әлләриндән ҝәләни әсирҝәмәмәкләрини тәләб едибләр.
Билдирәк ки, әҝәр геjд олунан Фурат Су Бәнди дағыларса, онун ардыjҹа әл-Бәс Су Бәнди дә дағылаҹаг вә нәтиҹәдә Суриjанын әл-Риггә, Диjрә Зур, Бу Кәмал олмагла даһа бир нечә бөjүк вә кичик шәһәрләр тамами илә су алтында галаҹаглар. Бу һадисә һәтта Ираг дөвләтиндә дә бөjүк фаҹиәләр төрәдә биләҹәкдир.
Диггәт: Хәбәрдән истифадә етдикдә мәнбәjә истинад лазымдыр
