Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән бу ҝүн Суриjа Милли Ордусу, Һасәкә раjонунун гәрб мәнтәгәсинин мүхтәлиф мөвгеләриндә вәтәндашларын әмлакларыны оғурлаjан, динҹ әһалиjә гаршы террор әмәлиjjатлары һәjата кечирән вә бандитликлә мәшғул олан сәләфи силаһлы террор груплашмаларына гаршы мүвәффәгиjjәтли әмәлиjjатлар тәшкил едиб.
Әмәлиjjатлар нәтиҹәсиндә Медаҹин, Гәрб Анбары вә Лаjф Стоон бөлҝәләриндә чох саjда вәһаби террорчусу мәһв едиләрәк бир чохлары да jараланыб.
САНА-jа ачыглама верән рәсми гаjнаг, Суриjа Милли Ордусунун Дәjрәззор раjонунда да уғурлу әмәлиjjатлар апардығны ачыглаjыб. Гаjнаг билдириб ки, Суриjа Ордусу, араларында бир нечә командирин дә олдуғу чох саjда хаин террорчулары дармадағын едиб. Суриjа Милли Ордусу Һувәjҹәт Сакир бөлҝәсиндә дә апардығы әмәлиjjатлар нәтиҹәсиндә азғын террор груплашмаларынын jуваларыны кәшф едәрәк, ичиндәки jараглылары силаһ-сурсатларлы илә бирликдә мәһв едиб.
Суриjа Милли Ордусу, әл-Әрди бөлҝәсиндә азғын террорчулара гаршы апардығы әмәлиjjатларда силаһлы террор групларынын рокетатар вә мүхтәлиф силаһ-сурсатларыны мәһв едәрәк, террорчулары өлдүрүб.
Һама раjонунда да Суриjа Милли Ордусу бир нечә уғурлу әмәлиjjатлар әлдә едиб. Белә ки, Суриjа Ордусунун Сәләмиjә әмәлиjjатында бир чох хариҹи вәтәндашлығы олан сәләфи jараглылары мәһв едиләрәк онлара аид силһа-сүрсатлар әлә кечирилиб.
Һама раjонунда апарылан Сәләмиjә әмәлиjjатында н чәкилән шәкилләр:
Диггәт: Хәбәрдән истифадә етдикдә мәнбәjә истинад лазымдыр
