Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән дүнән 30 ијун 2013 тарихдә Малазија дөвләти рәсмән Мјанма дөвләтиндән бу өлкәдәки Мүсәлманлара гаршы апарылан зоракылыг вә сојгырымларынын арадан апарылмасы зәмининдә даһа ҹидди аддымларын атылмасыны тәләб едиб...
Малазија Хариҹи Ишләр Назири Әнифә Әман, Брунәидә кечирилән Асеан Самитиндән кәнар медиа гаршысында вердији ҝөрүнмәмиш ачыгламасында башга бир өлкәнин дахили мәсәләләринә тохунараг билдириб: “Мјанма мүтләг бу мәсәләни һәлл етмәлидир.”
Әнифә билдириб: “Мән билирәм ки, бу олдугҹа мүррәкәб бир мәсәләдир. Амма онлар бу мәсәләјә шәффавлыгла јанашмалыдырлар ки, бизләр дә, һансы ишләрин апарылдығынын шаһиди олаг... Мәним нәзәримҹә ишғалчылар мүтләг мүһакимә олунмалыдырлар ки, даһа белә һадисәләрин шаһиди олмајаг.”
Сон 2 илдә Мијанмада 200000 инсан гачгын дүшмүш вә он минләрлә Мүсәлман һәлак олмушдур.
Иран Ислам Республикасынын БМТ-дәки даими нүмајәндәси Мәһәммәд Хәзаи тәрәфиндән БМТ Баш катиби Бан Ки Муна Руһингалы Мүсәлманларынын сојгырымы илә бағлы мәтуб ҝөндәрилиб. Мәктубда Мјанмада јашајан мүсәлманлара гаршы төрәдилән ҹинајәтләрин гаршысынын алынмасы үчүн тәҹили аддымлар атылмасы тәләб олунуб.
Мјанмада ҹох сајда динҹ вәтәндашын гәтлә јетирилдијинә, Мәсҹид вә евләрин јандырылдығына диггәти јөнәлдән мәктубда, мүсәлманларын јүз илләрлә јашадыглары торпаглардан чыхарылмасынын гәбул едилмәјәҹәји вурғуланыб.
Мәктубда бејнәлхалг аләмин Мјанмадакы күтләви гырғынлар гаршысында һеч бир реаксија ҝөстәрмәмәси бурадакы мүсәлманларын һүгугларынын позулмасына вә вәзијјәтин даһа да писләшмәсинә сәбәб олдуғу гејд едилиб.
БМТ –нин Мјанма үзрә нүмајәндәси Виҹај Намбијар исә, 18 Јанвар 2013 тарихдә БМТ баш катиби Пан Ҝи Мунун Мјанмадакы Инсан Һагглары дурумдан нараһат олдуғуну бу өлкә рәсмиләринә чатдырдығыны вә онлардан Мјанмада “милли данышыг”ларын башланмасына чағырыш етдијини билдириб.
Гејд едәк ки, милјардларла иллик бүдҹәсинә пул хәрҹләнән БМТ кими тәшкилатлар, Фәләстин Торпагларында ишғалчы исраил режимин гурмагдан башга, бу ҝүнә кими һеч бир әмәли аддым атмамышдыр. Әксинә дүнјада зүлмүн бир аз да чохалмасына, көк салыб артмасына зәминә јаратмышдыр. Неҹә ки, Мјанмада бүтпәрәстләрин Мүсәлманлара гаршы ҝөрдүкләри сојгырымлар гаршысында БМТ, садәҹә кағыз үзәриндә мөвҹуд вәзијјәтдән нараһат олдуғуну дилә ҝәтирмиш вә башга һеч бир ҹидди аддым ирәли атмамышдыр.
Диггәт: Хәбәрдән истифадә етдикдә мәнбәјә истинад лазымдыр
