Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Анар Гасымлы медијаја вердији ачыгламада мүвәккили Азәрбајҹан Ислам Ојаныш Һәракатынын Лидери, Азәрбајҹан Ислам Партијасынын Сәдри Мөвсүм Сәмәдовла ҝөрүшә билмәдијини гејд едиб.
Вәкил билдириб ки, бунунла бағлы Пенитенсиар Хидмәтин рәһбәри Мәдәт Гулијевә мәктуб јоллајыб. “Мәктубда үмумијјәтлә вәкилләрин ҹәза евләриндә мүвәккилләри илә ҝөрүшмәләри гајдаларына ајдынлыг ҝәтирилмәсини истәмишәм. Һәлә ки, мәктуба ҹаваб верилмәјиб”.
Анар Гасымлы гејд едиб ки, Мөвсүм Сәмәдовла телефонла да әлагәси јохдур: “Ахырынҹы дәфә бир ај әввәл мәнимлә данышыб”.
Хатырладаг ки, Мөвсүм Сәмәдов 2011-ҹи илин јанварын 2-синдә Азәрбајҹан Ислам Партијасынын кечиртдији топлантыда, тарихи чыхышын едәрәк, мөвҹуд әлијевләр режиминин гејрилегаллығынын ортаја гојмуш вә бунунла да Азәрбајҹан Ислам Ојанышы Һәракатынын сүрәтләнмәсинә тәкан вермишдир. О, дәрһал бу чыхышдан сонра јанвар ајынын 8-зиндә гондарма иттиһамларла һәбс едиләрәк даһа сонра һакимијјәти зорла әлә кечирмә ҹәһди вә башга мүхтәлиф гондарма ағыр ҹинајәтләрдә тәгсирли билинәрәк 12 ил мүддәтинә азадлыгдан мәһрум едилиб.
Диггәт: Хәбәрдән истифадә етдикдә мәнбәјә истинад лазымдыр
