Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Ислам Ојаныш Һәракатыныын Өндәри, Азәрбајҹан Ислам Партијасынын ШӘРЛӘНӘРӘК һәбсдә олан Лидери Мөвсүм Сәмәдовун президентлијә намизәдлијинин ирәли сүрүлмәси үчүн имза топланыр.
Бу барәдә ачыглама верән АИП-ин сәдр әвәзи Һаҹы Елчин Манафов тәшәббүсүн рајонларда көнүллү башландығыны дејиб.
Елчин Манафов гејд едиб: “Исламчылар вә гејри-исламчылар имза топламагла Һаҹы Мөвсүм Сәмәдова өз намизәдлијини вермәк үчүн мүраҹиәт етмәк истәјирләр. Һәтта Сумгајытда да белә бир кампанија башланыб. Садәҹә, рәјимизи өјрәндиләр ки, бу тәшәббүсү неҹә гијмәтләндиририк. Азәрбајҹан Ислам Партијасы бу тәшәббүсү мүсбәт гијмәтләндирир, һәр кәс ихтијар саһибидир”.
Сәдр әвәзи билдириб ки, кампанијанын мајын орталарына гәдәр давам едәҹәји ҝөзләнир: “Тәхминән 1 ај әввәл башланан кампанијада тәкҹә Нефтчала вә Салјан рајонларындан минә гәдәр, Сумгајытдан исә миндән артыг имза топланыб. Пајтахтда да мүраҹиәтләр вар. Бирбаша мүдахиләмиз олмаса да, биз бу кампанијанын кечирилмәсини дәстәкләјирик, бу ишдә мараглыјыг. Мөвсүм Сәмәдову октјабрда кечириләҹәк президент сечкисиндә намизәд кими ҝөрмәк истәјирик. Ҝәләҹәкдә намизәдлијини верәрсә, партија да бирбаша бу тәшәббүсә гатылаҹаг”.
Азәрбајҹан Ислам Партијасы 16 октјабр президент сечкисиндә иштирак едәҹәји һаггында бәјанат вериб. Партија сечкијә һәбсдә олан лидери Мөвсүм Сәмәдовун намизәдлији вә ја башга намизәди дәстәкләмәклә ҝедәҹәјини ачыглајыб.
Гејд едәк ки, Азәрбајҹан Ислам Партијасы 1992-ҹи илдә рәсми сүрәтдә илк икинҹи партија олараг дөвләт гејдијјатына алыныб.
Диггәт: Хәбәрдән истифадә етдикдә мәнбәјә истинад лазымдыр
