Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Азәрбајҹан Зијалылар Форуму бир симвоик һәрәкәтлә доктор Мөвсуүм Сәмәдову 2012-ҹи илдә “илин адамы” адландырдыгдан сонра Бакынын дөвләт тәшкилатлары өлкә преидентинә бу ады алмаг үчүн әл-ајаға дүшдүләр вә нәһајәт бир нечә ҝүн өнҹә “АзәрТаҹ” сајты Бөјүк Британијанын “Тһе Бусинесс Јеар” журналынын рәј сорғусу әсасында Азәрбајҹан президенти Илһам Әлијеви өз президенјлији дөврүндә Азәрбајҹанын динамик игтисади, елми вә үмуми инкишафына ҝөрә дүнјада “Илин адамы” елан етмәсини хәбәр верди.
Бу журналын өзүнүн вә онун кечирдији рәј сорғусунун елми ҹамиә арасында нә гәдәр мөтәбәр олуб-олмамасы ајры вә ҝениш бир мөвзудур вә бурада ондан сөз ачмаға маҹал јохдур. Амма бу мөвзуну гејд едәк ки, дүнја сәвијјәсиндә һәмишә тәблиғат мәгсәдилә белә сорғулар кечирилир вә сечки габағы белә сорғуларын бәзи үчүнҹү дүнја өлкәләриндә хүсуси рөвнәги вардыр.
Бу “сорғу” вә “сечим”дән сонра диггәти чәкән мөвзу Азәрбајҹан Республикасынын игтисади, сосиал вә сијаси атмосферидир. Өлкәнин 20 фаиз торпагларынын ишғал алтында олмасы, тәгрибән 1 милјон гачгын вә онларын олдугҹа ағыр сосиал проблемләри, полисин онларын етиразларынын гаршысыны алмасы вә һәмишә мүһасирәдә сахламасы, сәһијјә системинин баҹарыгсызлығы ки, бунун нәтиҹәсиндә азәрбајҹанлы хәстәләрин Иранын тибб мәркәзләринә сел кими ахыны, бәзи хәстәләрлә сөһбәт етдикдә Азәрбајҹанда дәрман вә мүалиҹәнин мафианын әлинә дүшмәсинин мәлум олмасы, Губа вә Исмајыллы гијамларыны өз ардынҹа ҝәтирән идарәләрдәки рүшвәт вә коррупсија, тәзәликҹә фактлар әсасында үстү ачылмыш парламент депутатлығынын алгы-сатгысы (әлбәттә, Рамиз Меһдијев кими ҝүҹлү сијасәтчиләрин нүфузу бу ифшачылығын мүвәггәти гаршысыны алмаға мүвәффәг олуб), һәтта өлкә медиасынын етиразына сәбәб олмуш өлкәдәки әхлагсызылг вә гадын гачагчылығы кими сосиал проблемләр, азәрбајҹанлылары өз ҝүндәлик мәишәтини тәмин етмәк үчүн күтләви сурәтдә Астара, Биләсувар вә Ҹулфа кечид мәнтәгәләринә чәкән ашағы игтисади дуруму, һәтта бәзи дөвләт адамларынын онлара рәһм етмәмәси вә ҝөмрүкдә онлара тәзјиг ҝөстәрмәләри, орду проблемләри, о ҹүмләдән икијүз фаиз интиһарларын артмасы, әсҝәр өлүмләри, етник бәрабәрсизлик, дини мәһдудијјәтләр, Авропа тәшкилатларынын етиразына белә сәбәб олмуш инсан һүгугларынын позулмасы Азәрбајҹан халгынын проблемләринин тәкҹә бир һиссәсидир ки, өлкә рәсмиләр бу әсаслы проблемләрә асанлыгла ҝөз јумурлар, өз рәсми мәтбуатлары вә хариҹи гәзет вә журналларын билдириши әсасында өзләрини илин адамы сечирләр.
Диггәт: Хәбәрдән истифадә етдикдә мәнбәјә истинад лазымдыр
