Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән Америка Бирләшмиш Штатлары Сенатынын сабиг үзвү дејир: Шиәлик Исламын там тәһлукәсиз вә сүлһсевәр бөлмәсидир вә Ајәтуллаһ Хаменеи дүнја шиәләринин ән нүфузлу рәһбәридир.
Сон вахтлар Теһранда кечирилмиш "Һоллјwоодизм" конфрансында иштирак етмиш АБШ Сенатынын сабиг үзвү Мајк Гравел Иран Ислам Республикасынын ҝерчәкликләриндән данышыб.
Фарс информасија аҝентлијинин вердији мәлумата ҝөрә Гравел, Америкада чыхан Фарен Палиси гәзетинә вердији мүсаһибәсиндә Иран Ислам Республикасынын там мүтәрәгги вә әһалинин рифаһы бахымындан јүксәк шәраитдә олан бир өлкә адландырыб.
Гравел Иран Ислам Республикасына гаршы санксијаларын гејри гануни олдуғуну, ејни һалда ИИР-ын там хејринә ҝәтириб чыхардығыни да хүсуси гејд едиб : "Мән билмирәм Иран Ислам Республикасы һансы әмәлинә ҝөрә санксијалара мәруз едилир? Санксијалар Сәудијјә Әрәбистанына гаршы тәтбиг едилмәлидир ки ифратчы вә нифрәт доғуран вәһһабијјәти јајмагдадыр. Шиәлик Исламын ән тәһлүкәсиз вә сүлһсевәр бөлмәсидир вә Ајәтуллаһ Хаменеи дүнја шиәләринин ән нүузлу рәһбәридир." – дејә АБШ Сенатынын сабиг үзву сөзүнә әлавә едиб.
Гравел әлавә олараг дејиб: "Дүнја шиәләринин рәһбәри Имам Хаменеи бир бәјанатда тәкидлә билдириб ки; Гуран атом бомбасыны һарам етмишдир. Бунун мүгабилиндә Обаманын ҝүлүнҹ иддиасынын шаһидијик ки дејир; биз бир гырмызы хәт чәкмишик ки ону кечмәк олмаз. "
Мајк Гравел сөзләринин башга һиссәсиндә тәкидлә билдириб ки; "Санксијаларын Иран Ислам Республикасына тәсири там тәрсинә олмушдур. Иранлылар мүстәгил вә инкишаф етмәкдә олан бир халг кими там рифаһда јашајыр, буну күчәләрәдки издиһамдан вә тыхаҹдан анламаг олур. Теһранда ҝөрдүјүм мемарлыг мүдһиш, ҹазибәдар вә ҝөзгамашдырыҹыдыр."
Гејд едәк ки Мајк Гравел Вискансин университетинин мүәллими вә 11 Сентијабр һадисәси барәдә хүсуси тәдгигатлары илә сечилән шәхсијјәтләрдәндир.
83 јашлы Гравел сон вахтлар пајтахт Теһранда кечирилән 3-ҹү Бејнәлхалг "Һоллјwоодизм" конфрансында иштирак үчүн Иран Ислам Республикасына сәфәр етмишдир.
Диггәт: Хәбәрдән истифадә етдикдә мәнбәјә истинад лазымдыр
