Исламчы журналист Араз Гулијев вә Ниҹат Әлијев сијаси мәһбус статусун газанды

Әһли Бејт -АБНА- хәбәр аҝентлијинин вердији хәбәрә әсасән дүнән ахшам Страсбургда АШПА-нын һүгуги мәсәләләр вә инсан һүгуглары комитәсинин иҹласы кечирилиб. Иҹласда Штрассерин Азәрбајҹанда сијаси мәһбуслар һаггында мәрузәси мүзакирә олунуб вә дүзәлишләр едилиб.  Дүзәлишләр сијаси мәһбуслар сијаһысынын дәгигләшдирилмәси илә бағлы олуб, белә ки, мәрузә тәртиб едилдији вахтдан – 2012-ҹи илин ијунундан етибарән бир сыра мәһбуслар азадлыға бурахылыб вә әфв едилиб, бир мәһбус – Вагиф Абдуллајев исә (исламчы) вәфат едиб.  Беләликлә, Штрассерин үмуми сијаһысындан 35 нәфәр чыхарылыб, амма 10 нәфәр әлавә едилиб: Ниҹат Әлијев (“Азад хәбәр”), Илһам Әмирасланов, Дәјанәт Бабајев (АХҸП), Араз Гулијев (Масаллы, “хәбәр44”), Меһман Һүсејнов (РАТИ), Һилал Мәммәдов, Фәхрәддин Мирзәјев (Ҝәнҹә, “Јегово шаһидләри”), Фәрәмәз Аллаһвердијев (Нахчыван, публисист), Илгар Рзајев (Алы Рзајевин гардашы), Рамиз Тағыјев (Нахчыван, АХҸП).  Бундан башга, һесабатда гејд едилиб ки, Фәрһад вә Рафиг Әлијевләр, Вагиф Һүсејнов, Немәт Пәнаһлы, Елнур Сејидов вә Әвәз Зејналлы сәһһәтләри илә әлагәдар тәҹили азад едилмәлидир.  Хатырладаг ки, мәрузә јанварын 23-дә мүзакирә олунаҹаг.    Диггәт: Хәбәрдән истифадә етдикдә мәнбәјә истинад лазымдыр