Әһли Бејт -АБНА- хәбәр аҝентлијинин вердији хәбәрә әсасән Һаҹы Меһди Шамиллинин декабрын 17-си Сабунчу Рајон Гондарма Мәһкәмәсинә тәјин едилән нөвбәти мәһкәмәси һал шаһиди ҝәлмәдијиндән тәхирә дүшүб. Мәлуматы вәкил Анар Гасымлы вериб.
Вәкил хатырладыб ки, Меһди Шамилли әввәлки просесләрдә һәбс олунан заман дөјүлдүјүнү диггәтә чатдырмышды: “Буҝүнкү просесдә әдаләтсиз һаким Анар Гасымов бу фактла бағлы Сабунчу Рајон Прокурорлуғуна сорғу јолладығыны деди”.
Нөвбәти мәһкәмә просеси декабрын 24-дә кечириләҹәк.
Хатырладаг ки, Һаҹы Меһди Шамилли һеч бир ҹинајәт төрәтмәдән августун 6-да Бакыда тутулуб вә онун барәсиндә һәбс гәтимкан тәдбири сечилиб. О, мөвҹуд режимин Ҹинајәт Мәҹәлләсинин 234-ҹү (ганунсуз олараг наркотик васитәләри, психотроп маддәләри вә ја онларын прекурсорларыны һазырлама, истеһсал етмә, әлдә етмә, сахлама, дашыма, ҝөндәрмә вә ја сатма) маддәси илә ШӘРЛӘНИЛИР.
Диггәт: Хәбәрдән истифадә етдикдә мәнбәјә истинад лазымдыр
