Әһли Бејт -АБНА- хәбәр аҝентлијинин вердији хәбәрә әсасән Мехикода «Артиҹле 19» бејнәлхалг тәшкилатынын фәаллары Һејдәр Әлијевин бүтүнүн үстүнә гара өртүк атыблар. Бунунла да онлар Азәрбајҹанда сөз азадлығынын боғулмасына, һүгуг мүдафиәчиләри вә журналитсләрин һәбсинә етираз едибләр.
Бундан әлавә фәаллар бүтүн ашағы һиссәсинә лөһвә јерләшдирәрәк ора «Азәрбајҹандан кәнарда сәхавәтлисиниз, өлкә дахилиндә исә тәнгидчиләр һәбсә атылыр» јазыблар.
Хатырладаг ки, Мексиканын пајтахтында Һејдәр Әлијевин бүтүнүн гојулмасы шәһәр әһалисинин наразылығына сәбәб олуб. Азәрбајҹан Мехикода ики паркын тәмиринә 5 млн. АБШ доллары хәрҹләјиб, бундан сонра бүтүн парклардан бириндә гојулмсына иҹазә алыб.
Артыг Мехикода һејкәлә гаршы бир нечә етираз аксијасы кечирилиб. Аксија иштиракчылары “Мексика халгынын гәһрәманларынын јанында мин километрлә аралыда јерләшән өлкәнин диктаторунун бүтүнү ҝөрмәк истәмәдикләрини” дилә ҝәтирибләр. Нәтиҹәдә хүсуси јарадылмыш комиссија Мехико рәһбәрлијинә Һејдәр Әлијевин бүтүнүн гојулмасына иҹазә вермәклә сәһв етдијини билдириб. Комиссија бүтүн ҝөтүрүлмәси һагда гәрар вериб.
Диггәт: Хәбәрдән истифадә етдикдә мәнбәјә истинад лазымдыр
