Әһли Бејт -АБНА- хәбәр аҝентлијинин вердији хәбәрә әсасән Кәрбалада, Ашура ҝүнү мүнасибәти илә Имам Һүсејн (әлејһис сәлам) ҹәнабларынын Пак Һәрәминдә јерләшән музејдә, о һәзрәтин пак гәбринин торпағындан бир мигдары шүшә ичәрисиндә сахланараг зијарәтчиләрә нүмајиш етдирилир.
Билдирәк ки, Базар ҝүнү, 25 нојабр 2012 тарихдә, Музејдә шүшә ичәрисиндә олан мүгәддәс торпаг, Ашура ҝүнү зијарәтчиләрин ҝөзү өнүндә тәзә гана чеврилмишдир. Имам Һүсејн Һәрәминин рәсми нүмајәндәләри бу һадисәни рәсми олараг тәсдигләмишләр. Ајәтуллаһ Систани ағанын нүмајәндәси вә Имам Һүсејнин (әлејһис сәлам) Мүгәддәс Һәрәминин Гәјјуму, Һөҹҹәтүл Ислам, Шејх Әбдүл Мәһди әл-Кәрбәлаи шәхсән Музејә ҝетмиш вә һадисәни изләјәрәк тәсдиг етмишдир.
Хатырладаг ки, бир ҝүн Ислам Пејғәмбәри (сәлләлаһу әлејһи вә алиһ) Мөмүнләрин Анасы олан Уммусәләмәјә (Аллаһ ондан разы олсун), һәзрәти Ҹәбраилин (әлејһис сәлам) бир мигдар Кәрбаладан ҝәтирдији торпағы верәрәк белә билдириб: “Бу түрбәти шүшә ичәрисиндә сахла. Һәр заман бу торпаг тәзә гана чевриләрсә, бил ки, өвладым Һүсејн (әлејһис сәлам) шәһид олмушдур”. Вә Уммусәләмә белә нәгл едир. Узун илләр кечди. Бир ҝүн мән јухуда Һәзрәти Пејғәмбәри (сәлләлаһу әлејһи вә алиһ) үстү башы тозлу-торпаглы, пәришан һалда ҝөрдүм. Сәбәбини сорушдугда билдирди ки, бу ҝүн, өвлады Һүсејни (әлејһис сәлам) вә аиләсини шәһид етдиләр. Вә индиҹә онлары торпаға бастырыб ҝери дөнмүшдүр. Јухудан диксинәрәк ојандым. Нә едәҹәјими билмирдим. Ағлыма, Пејғәмбәрин (сәлләлаһу әлејһи вә алиһ) мәнә вердији торпаг јадыма дүшдү. Торпаға бахдыгда онун, тәзә ган чеврилдијини ҝөрдүм. (Мәнбә: Китаб: “Амал”. Сәһифә 314)
Диггәт: Хәбәрдән истифадә етдикдә мәнбәјә истинад лазымдыр
