Әһли Бејт -АБНА- хәбәр аҝентлијинин вердији хәбәрә әсасән Норвечин “Статоил” һидро ширкәти Авропа Бирлијинин Иран Ислам Республикасына гаршы тәтбиг етдији тәбии газ санксијасындан азад едилиб.
Ширкәтдән бунунла бағлы рәсми ачыглама верилиб. Хәбәрдә “Статоил” һидро ширкәтинин Иран Ислам Республикасы Милли Нефт Ширкәтинә олан борҹларыны ҝери өдәмәк үчүн 6-8-ҹи мәрһәләдә ЛПҜ сатын алаҹағы билдирилиб.
Бундан әлавә, Авропа Бирлијинин санксијасына бахмајараг, Ҹәнуби Корејанын Иран Ислам Республикасындан тәбии газ идхалы ики дәфә артыб.
Белә ки, Ҹәнуби Корејанын үч ширкәти сентјабр ајындан бәри Иран Ислам Республикасындан 1 млн. 300 мин барел ЛПҜ идхал едиб. Һалбуки Авропа Бирлијинин Иран Ислам Республикасынын газ секторуна гаршы тәтбиг етдији санксија гәрарынын илк дөврүндә Ҹәнуби Кореја Теһрандан ајлыг 765 мин барел ЛПҜ идхал едиб.
Диггәт: Хәбәрдән истифадә етдикдә мәнбәјә истинад лазымдыр
