Әһли Бејт -АБНА- хәбәр аҝентлијинин вердији хәбәрә әсасән Бәшшар Әсәд БМТ вә Әрәб Бирлијинин Сурија үзрә хүсуси нүмајәндәси Әхзәр Ибраһиминин атәшкәс тәклифини мүсбәт гијмәтләндириб.
Сурија дөвләт башчысы Бәшшар Әсәд өлкәдә биртәрәфли атәшкәс елан олундуғуну ачыглајыб. Бу барәдә иҹтимаијјәтә Мисирин пајтахты Гаһирә шәһәриндә олан БМТ вә Әрәб Бирлијинин Сурија үзрә хүсуси нүмајәндәси Әхзәр Ибраһими мәлумат вериб. Әхзәр Ибраһиминин сөзләринә ҝөрә, Бәшшар Әсәд онун атәшкәс тәклифини мүсбәт гијмәтләндириб.
Гејд едәк ки, БМТ нүмајәндәси Әхзәр Ибраһиминин Гурбан бајрамы өнҹәси мүхалифләрин вә Сурија һөкумәтинин атәшкәс елан етмәси үчүн етдији ҹәһдләр нәтиҹә вериб. Әрәб Бирлијинин Сурија үзрә хүсуси нүмајәндәси дә јерли һөкумәтинин Гурбан бајрамында атәшкәси гәбул етдијини ачыглајыб.
Мөвзу илә бағлы Сурија Хариҹи Ишләр Назирлији исә ачыглајыб ки, бајрамда атәшкәс елан олунмасы планлашдырылыр, лакин бу барәдә гәрар сабаһ вериләҹәк.
Диггәт: Хәбәрдән истифадә етдикдә мәнбәјә истинад лазымдыр
